Selebrasyon it Sr. Sto. Nino Ati-atihan Festival 2018, Mabinungahon Suno Kay Mayor William Lachica

By: Doniel B Aguirre

Refer to: Ms. Fritzie Anne P Rillo, Information Officer

Mabinungahon gid ro selebrasyon it Kalibo Sr. Sto. Nino Ati-atihan 2018, raya ro pagpahayag ni Mayor William Lachica sa nagtapos eang gid nga selebrasyon kun sa siin ana gid nga gin-apresyar ro Security Plan nga ginhathat it mga Kapulisan ag Armed Forces of the Phils. Suno sa Alkalde, ku Nobyembre 2017 pa ginpahaum ro mga plano kun paano mangin mapag-un ro security measure. Eubos gid ro pagpasaeamat it Alkalde kay PSUPT. Cesar Hawthorne Binag Jr. ag kay PSINSP Honey Mae Ruiz it Kalibo Police Station, nga nag supervise sa implementasyon it Security Plan ku mga kapulisan para sa Ati-atihan 2018.

Dugang kara, ginpasaeamatan pa gid it Alkalde ro ginta-o nga bulig ni Cong. Lito Atienza it Buhay Partylist agud ma-umpisahan eon ro pagtukod it Kalibo East Terminal. Ginpa-abot pa gid it Alkalde ro pag-abot it P2 Million halin kay Senator Angara nga igapa-ubra pa gid it karsada. Ginpa-aspalto man it Alkalde sa nagdaug nga bidder ro karsadahon sa may Rizal St. ag sa may Aklan Freedom Shrine agud magiging sadyaan ro daeagan it prosesyon.

Ginbalita pa gid it Alkalde ro pagdugang it iga-instola nga mga Traffic Light Systems sa may Jollibee ag sa may Pastrana St., suno sa Alkalde, anang pagatan-awon ro pagiging epektibo kara tungod pwede pa gid ra madugangan. Sa Pebrero 11, 2018 magasaksi ro Alkalde sa sangka ground breaking it ospital nga igapatindog kun sa siin mga 254 rooms roigapa-ubra. On going man ro construction it Fus Marketing Building sa atubang it Citymall. Samtang on going man ro pag-ubra it pier ku Mabuhay Maritime Express sa Brgy. Pook. ro Gaisano Centro hay paga-umpisahan man ro konstruksyon sa brgy. Andagao partikular sa dating ginatindugan it Saint Jude Thaddeus Chapel.

Trackback from your site.

Visitor Counter

054550
Users Yesterday : 134
This Month : 3746
This Year : 25914
Total Users : 44550
Views Today : 239
Total views : 215718
Who's Online : 2
Your IP Address: 54.198.86.28
Server Time: 2018-06-22

Visit Us