Kalibo East Terminal Project it Kalibo, Gin-inagurahan Eon

23 January 2018

By: Doniel B Aguirre

Refer to: Ms. Fritzie anne P Rillo, Information Officer

Sa sueod it 8 buean, may permanente eon nga Parking Terminal ro mga pampasaherong saeakyan nga naga-byahe halin sa Eastern Side it Probinsya paadto sa Banwa it Kalibo. Suno kay Mayor William lachica sa ginhimo nga Ground Breaking Ceremony it Kalibo East Terminal ku Biernes Enero 19, 2018.

Suno man kay Cong. Marquez, nagabahoe ro Economic Revenue it Kalibo ag nagaka-angay gid ro pagtukod it nasambitan nga Terminal. Nangin espesyal nga bisita si Atty. Francis Tolentino, Presidential Adviser on Political Affairs kun sa siin ginpa-abot nana ro anang kahikaw tungod mabuhay eon nga ginhandum nana maka-angkon it terminal tag imaw hay nangin MMDA chairman sa Metro Manila. Suno kana, 3 ro gusto nana nga itukod nga terminal kamana ku southern, south west ag north terminals. Pero isaea eamang ro natupad tungod ginpasakaan imaw it reklamo sa Ombudsman ag may Temporary Restraining Order pa gid. Sa ngaean man ni Mr. Mel robles, ginpa-abot man ni Cong. Lito atienza it Buhay Partylist ro anang mensahe.

Ginpa-abot man ni Vice Mayor Madeline Regalado, ro anang pagpasaeamat sa maka-ako tungod may solusyon eon ro problema it LGU Kalibo nga maka-angkon it terminal para sa mga saeakyan halin sa eastern side. Ginpasaeamatan pa gid it Bise Alkalde ro nagbulig sa proyekto kamana nanday Atty. Francis Tolentino, Cong. Lito Atienza ag iba pa gid.

Trackback from your site.

Visitor Counter

069985
Users Yesterday : 161
This Month : 3557
This Year : 41349
Total Users : 59985
Views Today : 374
Total views : 301984
Who's Online : 1
Your IP Address : 54.198.103.13
Server Time : 2018-09-22
Visit Us