Munisipyo it Kalibo, Naghimo it Pre-emptive Evacuation Kahapon

By: Doniel B Aguirre

Refer to: Ms. Fritzie Anne P Rillo, Information Officer

Isaeang ka pre-emptive evacuation ro ginpatigayon ku MDRRMO Kalibo matapos nga umabot sa gintaeana nga Critical Level rong Aklan River Kahapon Enero 2, 2018 hatud sigidas nga pag-inuean. Suno kay Mr. Terence June Toriano, Local Disaster Risk Reduction & Management Officer it Kalibo, importante gid nga ginhimo ro pre-emptive evacuation agud nga malikawan ro posibleng kasamaran sa mga pumoeoyo kun hi-abot it tubi baha ro andang mga kabaeayan nga una gid mismo sa kilid it Aklan River.

Gin-libot ku mga katapo it MDRRMO Kalibo ro mga lugar it Oyo Torong ag C. Laserna St., agud isakay ro mga pumoeoyo paadto sa Evacuation Center sa Magsaysay Park, samtang gin-implementar man ro pre-emptive evacuation sa lugar it Tinigaw, Estancia, Tigayon, Bakhaw Sur ag Norte. Nagabulig man sa ginpatigayon nga Pre-Emptive Evacuation ro mga Volunteers halin sa Phil. Coast Guard Auxiliary, 12ib Phil. Army, Aklan Ready Reserve Battalion, Bureau of Fire Protection Kalibo, Kalibo Police Station, Red Cross Aklan ag iba pa gid.

Tungod man ku kaabuon it mga evaceees, ginhimo man nga Evacuation Center ro 3rd Floor it Kalibo Municipal Building ag ABL Sports Complex. base sa rekord ku Municipal Social Welfare & Development Kalibo, ro left wing it Evacuation Center hay may una 61 ka evacuees, ro right wing hay may una nga 36 evacuees ag rong 3rd floor it Kalibo Municipal Building hay may una nga 36, 15 kara ro Senior Citizens ag 6 ro pregnant women. rong tinigaw chapel hay may una nga 69 persons ag 13 ka pamilya ro evacuees, samtang sa Brgy. hall kara hay 14 ka tawo sa 3 ka pamilya. kabi-i eagi, ginpahayag ni Mayor William Lachica ro pagkansela it mga klase sa pampubliko ag pribado nga Pre-School ag Elementary Schools sa Banwa it Kalibo agud malikawan ro posibleng masakit nga mabu-oe it mga inunga sa pagsueod nanda sa mga classrooms eabi gid ratong mga naha-soe-ub it baha.

Trackback from your site.

Visitor Counter

069985
Users Yesterday : 161
This Month : 3557
This Year : 41349
Total Users : 59985
Views Today : 364
Total views : 301974
Who's Online : 1
Your IP Address : 54.198.103.13
Server Time : 2018-09-22

Visit Us