Mga Non Governmental Organizations sa Banwa it Kalibo, Gintipon Ku lgu Kalibo.

By: Doniel B Aguirre

Refer To: Ms. Fritzie Anne P Rillo, Information Officer

Mag-euwas nga mangin Accredited NGOs it Banwang Kalibo ro nagakasari-saring mga Non Governmental Organizations NGOs sa Banwa it Kalibo, gusto pa gid ku Munisipyo it Kalibo sa pagpamuno ni Mayor William Lachica nga mangin kaparte it Banwa ro mga NGOs sa progreso ag pag-umwad it Banwa. Tungod kara, gintipon ku Office of the Sangguniang Bayan ro tanan nga mga NGOs agud makilaea ku Munisipyo it Kalibo ag para man ma-engganyo nga magparehistro. Suno kay Vice Mayor Madeline Regalado, mandato sa Local Government Code nga gina-rekognisar gid ro mga NGOs. Gindugang pa it Bise Alkalde nga may mga aktibong mga NGOs nga nagapartisipar sa mga proyekto, aktibidad ag programa it LGU Kalibo pero indi man masarangan it Munisipyo ro pagpanami it Banwa ag pag-implementar it mga Nasyonal ag mga Lokal nga ordinansa para sa ikamayad it Banwa ngani ginpatawag it Munisipyo ro mga NGOs. ginpa-abot pa gid it Bise Alkalde nga kun akreditado ro sangka NGO, madali maka-baton it mga grants o bulig halin sa mga Foreign, National o Local Organizations para sa sangka Economic, Social Oriented Projects ag iba pa nga iga-implementar sa hurisdiksyon it Kalibo.

Gin-suggest man ni SB Member Cynthia Dela Cruz, nga maghimo it regular nga meeting sa mga NGOs agud hikapa-abot it Munisipyo ro maabong mga adbokasiya it Lokal nga Gobyerno kun sa siin pwedeng makabulig ro mga NGOs. Suno kana, pwedeng makapili ro mga NGOs kun siin nga adbokasiya sanda pwedeng makabulig kaparehas ku No Smoking, Solid Waste Management, Traffic, Clean Air and Water ag maabo pang iba. Suno man kay SB Secretary Diana Fegarido, pwede pa gid mangin miembro ro NGOs sa mga Local Special Bodies nga gintukod it LGU Kalibo kamana ku Kalibo Municipal Environmental Board KMEB, Kalibo Environmental Action Team KEAT ag iba pa gid. Gin-suggest man ni Mr. Ramel Buncalan, PCCI President nga i-impon man ro mga NGOs sa mga okasyon it Munisipyo kaparehas ku Foundation Day ag iba pa gid, kaeakip man ro paghimo it pederasyon ku mga NGOs para mangin hugpong sanda.

Tungod kara, ginkasugtanan nanda ro paghimo it meeting sa Enero 5, 2018 agud mag-iliher it mga Opisyales it Pederasyon.

Trackback from your site.

Visitor Counter

054550
Users Yesterday : 134
This Month : 3746
This Year : 25914
Total Users : 44550
Views Today : 236
Total views : 215715
Who's Online : 3
Your IP Address: 54.198.86.28
Server Time: 2018-06-22

Visit Us