Mga Kapulisan, may mga hinyo sa Transport Sector makaron nga Ati-atihan 2018.

By: Doniel B Aguirre

Refer To: Ms. Fritzie Anne P Rillo, Information Officer

Bangud sa ikatlong Dominggo eon it Enero iga-selebrar ku Banwa it Kalibo ro Kapiestahan ni Sr. Sto. Nino, inisyal eon nga gin-pulong ku Traffic and Transport Management Unit ag Kalibo Police Station ro mga drivers ag operators it mga Public Utility Vehicles agud istoryahan ro re-routing scheme nga igapatupad sa tiempo it Ati-atihan ag imaw man ro pilang ka mga paghinyo it mga Pulis para sa siguridad.

Suno kay PCINSP Bernard Ufano ku Aklan Police Provincial Office, mangin alerto sa mga pasaherong nagasakay pina-agi sa pag-obserba ku andang pang-eawason, ginasuksuk, lenggwahe ag kun may kargamento nga ginasakay. Sigurohon nga uwa it mga pagkabutang nga naha-aywanan sa mga saeakyan halin sa mga pasahero. Tandaan man kun sin-o ro mga nag-arkila agud kun may matabo hay pwedeng makabulig sa mga kapulisan kun may matabo nga krimen. Mangin alerto pa gid sa mga pasahero nga bukon it akeanon base sa lenggwaheng ginagamit eabi gid kun mag-karga it mga abono, wires ag iba pang makaduda-dudang materyales tungod posibleng magamit ra sa paghimo it bomba.

Ginhinyo pa gid it mga kapulisan nga magsunod sa trapiko ag gamiton ro left most lane it 4 lanes nga karsada agud ro mga saeakyan nga may kargang turista paadto ag pabalik it Boracay hay indi ma-delay, kaeakip man ro hinyo nga indi pagpataas it subra ro mga pamasahe. Nagapati ro mga Kapulisan nga kun maayos ro daeagan it trapiko, ma-engganyo pa gid nga magbalik ro mga turista tungod disiplinado ro mga drivers. Uman pa nga igapatawag it Munisipyo ro Transport Sector sa masunod nga Dominggo para hikapatupad eon ro pagsaylo it terminal sa Western Side nga mga saeakyan.

Trackback from your site.

Visitor Counter

054550
Users Yesterday : 134
This Month : 3746
This Year : 25914
Total Users : 44550
Views Today : 240
Total views : 215719
Who's Online : 2
Your IP Address: 54.198.86.28
Server Time: 2018-06-22

Visit Us