KBP Accreditation Examination, Ginpatigayon Ku KBP Aklan Chapter Sa Boracay.

By: Doniel B Aguirre
Refer to: Ms. Fritzie Anne P Rillo, Information Officer, Office of the Mayor

51 ka mga Radio Anchors, Reporters, Djs ag mga Estudyante it Mass Communication ro nagpartisipar sa madinaeag-un nga Kapisanan ng mga Brodkaster ng Pilipinas Accreditation Exam ku sabado setyembre 30 sa Tonglen Beach Resort, Manoc-manoc, Boracay, Aklan.

Nagpasaeamat gid si Mr. Alan Palma, KBP Aklan Chapter Chairman sa tanan nga nag-atinder tungod handum ku KBP Aklan nga magiging profesional ro tanan nga naga-buyot it programa sa radyo samtang para man sa mga estudyante hay gusto nana nga mangin daean ro accreditation nga madugangan ro andang kaaeaman sa Broadcast Industry.

 Rong Resource Speaker sa nasambitan nga aktibidad ku Sabado hay si Prof. Rosa Maria Feliciano, KBP Standards Authority Director ag Ms. Virgie Velasco – KBP Secretary & Performance Officer. Suno kay Prof. Feliciano ku 2015 nga rekord kung NTC may kapin sa 411 am stations, 1,014 fm stations, 436 tv stations ag 1, 457 Cable Tv Station may una sa Pilipinas. Gin-eksplekar nana ro kaundan it KBP Broadcast Code of 2007, kun sa siin gin-iliba ro radio & television codes nga ginakomponihan it 33 articles kaparehas ku News & Public Affairs, Analysis & Commentaries, Coverage Involving Children, Personal Attacks, Correcting Mistakes ag iba pa gid.

Pila sa anang ginturo sa mga nag-atinder hay ro benipisyo ku pagiging akreditado it KBP kamana ku makabulig ro KBP sa mga Radio Stations nga may National Advertiser nga nagabayad kun sa siin ro penalidad hay suspensyon it Commercial Airing sa tanan nga kbp member station sa bug-os nga nasyon,  nagahimo man ro kbp it mga trainings, para man sa mga Individual Accredited KBP Member hay may insurance policy nga pwedeng ma-avail kun may aksidente sa oras it trabaho, ro sangka brodkaster nga kbp accredited hay may prebelihiyo nga mag-on air.  Ro pagpatigayon man it KBP Accreditation hay commitment kung KBP nga mangin self-regulation and responsible broadcasting. 105 questions ro kaundan it eksaminasyon, rong passing grade hay 60 points samtang mga sang buean man masayuran ro resulta ku eksaminasyon.

Trackback from your site.

Visitor Counter

023032
Users Today : 125
Users Yesterday : 128
This Month : 2441
This Year : 13032
Total Users : 13032
Views Today : 431
Total views : 71117
Who's Online : 1
Your IP Address: 54.80.132.10
Server Time: 2017-10-21

Visit Us