DENR Aklan Gin-report Eon Ro Resulta it Cave Assessment sa Cave 2 it Tigayon Hill.

By: Doniel B Aguirre
Refer to: Ms. Fritzie Anne P Rillo, Information Officer, Office of the Mayor

Pwedeng magamit sa education purposes rong cave 2 it Tigayon Hill, raya ro ginpa-abot ni Ms. Merlyn Aborka it DENR Aklan sa ginhimo nga Cave Assessment it anang taeatapan umpisa ku Setyembre 5 hasta it 8, 2017.

Ro paghimo nanda it Cave Assessment hay resulta man ku hinyo ku LGU Kalibo kamana man bilang pagsunod sa mandato it Cave Act nga dapat maghimo it Assessment agud makabaeay it plano para proteksyonan ro mga kweba sa Pilipinas. Samtang para man sa munisipyo hay makabaeay it mga plano tungod kaparte ra ku Tourism Master Plan para sa Tigayon Hill & Caves.

Gin-assess ku DENR Aklan ro Biophysical State it Tigayon Hill kaibahan ro Tourism & Cultural Affairs Division, Municipal Engineering Office ag Brgy. Council it tigayon. Gindugang pa gid ni aborka nga ro Assessment Report hay iga-sumite sa Regional Cave Committee sa Martes Set. 12 it rayang dag-on. Sa 50 square meters perimeter radius eamang it cave 2 naghimo it assessment kun sa siin sari-saring mga kahoy kamana ku anagas, anahaw, anino, amamali ag iba pang mga kahoy ro nakita ag may mga medicinal usage ag may haeos 40 ka floral species ro na-obserbahan kaibahan pa gid ro mga planted mahogany. May 10 faunal species man ro nakita kaparehas it spider, butterfly, snail, pygmy swiftlets ag iba pa gid.

Rong area it cave 2 hay 369.84 sq. Meters ag may 12 corners. 5 man ka Floral Species sa sueod it cave 2 kamana ku paku-paku, gabi-gabi ag 3 ka Unidentified Plant Species. Samtang 6 Species it faunal species man ro nakita ag na-obserbahan. May mga nakita man nga mga contemporary vandals gamit ro charcoal.

Trackback from your site.

Visitor Counter

024299
Users Yesterday : 84
This Month : 2243
This Year : 14299
Total Users : 14299
Views Today : 201
Total views : 78049
Who's Online : 4
Your IP Address: 54.225.57.89
Server Time: 2017-11-25
Visit Us