Pag-amyenda sa CCTV Ordinance it Kalibo, ginpa-agi sa Public Hearing.

By: Doniel B Aguirre
Refer To: Ms. Fritzie Anne P. Rillo, Information Officer, Office of the Mayor

Ginkonsulta eon ku Sangguniang Bayan it Kalibo ro mga Establisimiento sa Kalibo may kaangtanan sa plano nga amyendahan ro Ordinance No. 2013-05, sangka Ordinansa nga naga-obliga sa mga Business Establishments nga mag-instola it

Close Circuit Television. Sa ginhimo nga Public Hearing ku Biernes Agosto 18 sa Munisipyo it Kalibo, gintalakay ro pag-amyenda kun sa tanan nga Commercial, Industrial ag Educational Establishment hay dapat nga may una nga CCTV kaibahan pa gid ro Munisipyo it Kalibo ag ro 16 ka Kabaranggayan hay dapat nga magbutang it CCTV sa mga Strategic Areas.

Suno kay SB Member Mark Quimpo, kinahang-ean amyendahan ro M.O 2013-05 matapos ku may natabo nga insidente it Pick Pocketing sa sangka Establisimiento nga sa pag-review it CCTV Footage hay blurred ro imahe tungod bukon it de-kalidad ro CCTV. Raya man rong nga kinahang-ean i-eakot sa dapat amyendahan ro required specs. Pila sa mga gin-rekomendar it mga nag-atinder hay ro mga masunod: i-eakip sa Ordinansa ro inadlaw nga iga-store ro video recordings it sangka Establisimiento, dapat i-eakip man rong Minimum Gross Sales it Business sa tiempo it renewal sa Minimum Capital nga P3 Million, ngani ro Gross Sales ro magiging basehan ag bukon eon it rong Capital eamang. Paga-konsiderahan man ro pagtaeana sa kun mauno kabahoe ro Storage para sa Video Recordings. Ro mga Establisimiento man nga P3 Million Capitalization o bisan uwa naka-abot sa P3 Million basta klasipikado bilang High Risk hay kinahang-ean mag –instola it CCTV Surveillance System.

Rong Amendatory Ordinance hay gin-proponer nanday SB Members Mark Quimpo ag Mark Ace Bautista. Si SB Member Phillip Yerro Kimpo Jr., man ro nag-preside sa Public Hearing bilang Vice Chairperson Ku Committee On Laws, Rules & Ordinances. Iga-repeal man ro 2013 Ordinance ag iga-iba ro mga whereas portion sa sangka ordinansa eamang tungod sa maabo ro mga rekomendasyon.

Trackback from your site.

Visitor Counter

024298
Users Yesterday : 84
This Month : 2242
This Year : 14298
Total Users : 14298
Views Today : 188
Total views : 78036
Who's Online : 4
Your IP Address: 54.225.57.89
Server Time: 2017-11-25

Visit Us