Traffic & Transport Management Unit, gin-report eon ro resulta it Dry Run angot sa bag-ong Traffic Scheme.

By: Doniel B Aguirre

Nagpa-abot it pagpasaeamat si SB Member Phillip Yerro Kimpo Jr., ag SB Member Buen Joy French sa Traffic & Transport Management Unit TTMU sa implementasyon kara it dry run it bag-ong Traffic Scheme ag kaeakip man ro Task Force Hawan. Gin-apresyar gid ni Kimpo ro taeatapan ni Ms. Mary Gay Quimpo Joel, Traffic Operations Officer II tungod na-obserbahan it pilang ka pumuoeoyo nga naga-istar sa Poblacion ro pagtawhay ku daeagan it trapiko bisan may una man nga ibang pumoeoyo nga bukon it komportable sa implementasyon.

Ginpa-abot man ku Traffic Operations Officer II nga gusto eon nandang matapos eon ro Dry Run ag magapasa sanda it mga rekomendasyon sa Alkalde agud nga hika-implementar eon ro pagpang-dakup sa mga violators eabi gid ro uwa nagasunod sa mga Road & Traffic Signs agud ma-disiplina ro mga motorista. Ana man nga ginpasaeamatan ro ibang motorista nga nagasunod sa Road & Traffic Signs. Ginpahayag pa gid nana nga masunod nga dag-on nakasaad eon sa budget proposal ro pagbakaea it tow truck para himuson ro mga behikulo nga saea ro pag-parking, ginpa-abot pa gid nana ro lugar para mangin impounding area it mga gin-tow nga saeakyan. Sa makaron, temporaryo nga gina-butang ro pilang ka mga saeakyan sa lote it DPWH base man sa pakikipag-istorya sa nasambitan nga Ahensya. Si SB Member Juris Sucro man ro gintaw-an it obligasyon nga makipag-istorya sa DPWH agud makabaeay it Memorandum of Agreement para mangin Temporary Impounding Area ro andang compound. Sa sueod it sang dominggo nga Dry Run, pila sa mga obstructions nga nakita ku TTMU hay ro mga masunod: ambulant vendors, retail stores nga nagapang-repair it mga motorsiklo pero rong permit hay retail eamang, mga saeakyan nga naka-park it haeos inadlaw sa kilid it mga karsada, mga daeagkong trucks nga nagasueod it Poblacion sa uwa nakataeana nga oras tungod ku naga-eksister nga truck ban.

Igapasa man ku TTMU ro andang report sa taeatapan it Alkalde, pagataw-an man it kopya ro Sangguniang Bayan para makabaeay it ordinansa ro Konseho.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 386
Total views : 58819
Who's Online : 1
Your IP Address: 54.156.42.165
Server Time: 2017-09-21

Visit Us