Mga Kabaranggayan it Kalibo, gina-engganyo nga mag-instola it mga CCTVs

By: Doniel B Aguirre

Gina-kumbinyo gid ku Konseho it Kalibo ro 16 ka mga Kabarangayan sa Kalibo nga mag-instola it mga Closed Circuit Television sa mga strategic areas it andang Brgy. Sa Proposed Resolution No. 227 nga gin-proponer nanday SB Members Mark Ace Bautista ag Buen Joy French, ginakumbinyo ro nasambitan nga mga Brgy. nga mag-instola it rondayang survielance system nga may 2 Mega Pixel Resolution.

Sa pag-eksplekar ni SB Member Bautista, nga sa nagtaliwan nga sesyon gin-presentar ni PINSP Honey May Ruiz, Officer In Charge it Kalibo Police Station ro Police Operation Update it Kalibo kun sa siin ana gid nga gintaw-an it importansiya ro CCTV sa pagresolba it mga krimen kaparehas ku Robbery, Theft, Vehicular Accidents ag iba pa. Pabor gid si bautista nga may CCTV sa mga Brgy. agud ma-monitor ro mga karsada eabi gid interior Brgys. Gin-mensyonar man nana ro Brgy. Linabuan Norte nga may naka-instola nga CCTV sa Brgy. Hall ag Elementary School. Nagka-istorya man sanda ni Hon. Andrew Macabales it Brgy. Tigayon nga nagpahayag man it plano nga mag-instola it CCTV sa highway ag iba pang strategic areas. Gina-eauman gid ni Bautista nga sundon man it tanan nga Brgy. ro pagtakud it mga CCTVs sa andang hurisdiksyon.

Rong 2 Mega Pixel Camera hay manami ro viewing resolution kun sa mga ginabana-bana nga mga P4,000 ro sangka unit. Ginahinyo man ni sb Member Bautista nga hika-iba man ra ku mga Brgy. sa andang 2018 Annual Budget.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 388
Total views : 58821
Who's Online : 1
Your IP Address: 54.156.42.165
Server Time: 2017-09-21

Visit Us