Perspektibo it 3 Storey Building nga igapatindog sa Munisipyo it Kalibo, ginpakita eon kay Mayor William Lachica.

By: Doniel B Aguirre

Gintan-aw eon nanday Mayor William Lachica, Vice Mayor Madeline Regalado ag iba pang Department Heads ku LGU Kalibo ro Proposed Three Storey Building with Roof Deck Kalibo Municipal Hall kahapon, Agosto 17, 2017.

Kun matandaan it mga Kalibonhon, ginpa-abot eagi it Alkalde ro pagpa-umpisa it 3 Storey Building sa porsyon it Regalado St. nga naga-atubang sa bag-ong Building sa Kalibo Magsaysay Park matapos nga raya hay gin-bendisyonan.

May kabahoe nga 2,218.00 square meters kaeakip eon ro Roof Deck ro bug-os nga Building Floor Area. Rong Ground Floor hay nagasukat it 698.00 square meters ag rong typ. floor area halin sa 2nd paadto sa 3rd floor hay may kabahoe nga 760.00 square meters ag rong appropriation hay P34,600,800.00 base sa market value makaron ag rong cost per area hay P15,6000.00 per square meters. Suno sa Architect nga nagdesenyo rong 2nd floor hay may glass partition mag-euwas eamang sa opisina it Alkalde nga himo sa simiento kaiping man ro opisina it sekretarya ag iba pang mga espasyo para magiging opisina. May igabutang man nga elevator nga uwa nagakinahang-ean it machine room para makatipid it espasyo. Sa 3rd floor it Proposed Building may nakabutang nga Conference Hall ag mga Office Space. Base sa perspektibo, magiging parehas ro itsura it Proposed Building sa itsura ku Magsaysay Park Stage ag bag-ong building agud masiguro nga may continuity kun tan-awon.

Suno kay Mayor William Lachica, indi eon pagwaskon ro Old Building kun sa siin rikara pa naga-okupa ro kaeabanan nga mga opisina tungod pwede pa gid ra magamit ag sa baylo hay iga-retro fit eon lang o kun paga-pabakuron eon lang. Sa nasambitan nga pagpakita ku perspektibo it proposed building kahapon, may inisyal eon nga mga rekomendasyon it pagbag-o ku pilang ka mga porsyon it Proposed Building, samtang iga-presentar pa gid ra sa Sangguniang Bayan sa paea-abuton nga inadlaw.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 395
Total views : 58828
Who's Online : 1
Your IP Address: 54.156.42.165
Server Time: 2017-09-21

Visit Us