Munisipyo it Kalibo, Gina-planohan Eon Kun Paano I-selebrar Ro Kalibo Foundation Day

By: Doniel B Aguirre

Ginapahauman eon ku Public Affairs, Information & Communications Division PAICD ro pagselebrar it kalibo ku ana kara nga Foundation Day sa Nobyembre 3. Inisyal eon nga ginhathat ku Officer in Charge it PAICD nga si Ms. Aiza Marie Arriola ro pilang ka mga aktibidad sa pagsa-u-eog ku anibersayo sa pagpundar it banwa kun sa siin may pagahimuon nga Halloween Themed Pastrana Park ag may kaibahan pa nga dance contest.

Ginapaino-inohan pa gid kun pagapahabaon ro pag-eksister it Halloween Theme sa Pastrana Park para mag-enjoy ro mga inunga ag mga adult nga makapa-picture.

Sa Nobyembre 2 man, pagahimuon ro Taxpayer’s Day kun sa siin rikara pagataw-an it pagkilaea ag apresasyon ro mga Top 20 Taxpayers ag may Employee’s Night sa Kalibo Magsaysay Park. Sa Nobyembre 3 Foundation Day hay may pagahimuon nga parada, Santos nga misa ag programa. May Cultural Show rong DEPED Kalibo, ro mga Brgys. man hay may kaugalingon nga booth samtang may nagatukar nga Party Djs.

Gin-rekomendar man ni Mr. Efren Trinidad, Executive Assistant to the Mayor nga kaibahan ku DEPED sa mismong adlaw it foundation day, i-iba man ro mga Natl. Offices, mga organisasyon nga magpartisipar ag ro tanan nga Kabaranggayan it Kalibo.

Trackback from your site.

Visitor Counter

035915
Users Yesterday : 154
This Month : 2991
This Year : 7279
Total Users : 25915
Views Today : 802
Total views : 127325
Who's Online : 2
Your IP Address: 54.144.73.205
Server Time: 2018-02-22

Visit Us