Registry of Inhabitants ag CBMS, magiging instrumento para sa Municipal ID System.

By: Doniel B Aguirre

Ginkasugtanan ku miembro ku Municipal Peace & Order Council MPOC nga aprubahan ro Resolution No. 6 Seires of 2017, isaeang ka resolusyon nga naga-kumbinyo sa Sangguniang Bayan it Kalibo nga magpasar it Ordinansa para isa-layi ro Municipal I.D. System gamit ro Registry of inhabitants ag community based monitoring system cbms bilang instrumento o kun tool.

Sa pagpahayag ni Ms. Valerie Briones, Local Government Operations Officer it LGU Kalibo, rong Municipal ID System hay planong i-implementar sa Banwa tungod man ku nagakatabo nga peligro sa katawhayan ag seguridad it pumuoeoyo ngani kinhanag-ean gid nga mag-eatag it mekanismo nga maka-monitor sa mga personalidad sa mga kabaranggayan. Paga-gamiton ro registry of inhabitants sa implementasyon it Municipal ID System. Suno kay SB Member Wendell Tayco, Liga President nga tanan nga Brgy. Secretaries hay naha-impormahan eon ku MLGOO it Kalibo parte sa butang ngara ag naga-amat-amat eon nga nagalibot ro mga Brgy. Secretary kaibahan ro mga BHWS para ma-umpisahan eon ro paglista it mga residente.

Gina-update ro registry of inhabitants kada 6 nga buean, may individual form nga paga-sabton it kada residente ag consolidated form man ro pagasabtan it sangka household. Ginpa-abot pa gid ku mlgoo nga kinahang-ean ro ordinansa bilang proteskyon sa impormasyon nga ginabutang it mga residente. Rong kaundan it registry of inhabitants hay magiging data base it munisipyo ag iga-angot rayon sa CBMS.

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 571
Total views : 90381
Who's Online : 1
Your IP Address: 54.227.126.69
Server Time: 2017-12-16

Visit Us