Kalibo Police Station, ginahueong sa mga Motorista nga indi magsuksuk it Helmet sa sueod it Poblacion.

By: Doniel B Aguirre

Gin-proponer ku Kalibo Police Station nga indi magsuksuk it helmet ro mga motorista kun naga-byahe sa sueod ku Poblacion, Kalibo. Sa ginhimo nga Municipal Peace & Order Council MPOC meeting ginpa-abot ni SPO4 Rene Armenio it Kalibo Police Station kun pwede masugtan ro proposal o kun pwede man nga half face nga helmet ro pagasuksukon. Kun pahinugutan man nga uwa it suksuk nga helmet, malikawan ro pag-abo it kaso it riding in tandem pero tungod man sa road safety kun naga-byahe it motorsiklo, pwede eon gumamit it helmet kun nagapaguwa eon it poblacion o kun sa national highway eon.

Suno kay SPO4 Armenio, pag-abot it Crossing Mabini ag D. Maagma, Toting Reyes ag sa may Kalibo Bridge hay hukson eon ro helmet. Naga-hinyo pa gid ro Kalibo Police Station nga rong speed limit hay obserbahan sa sueod it Poblacion. 3 ka mga mayor nga kalye kamana ku D. Maagma, Mabini St., ag Roxas Avenue hay kun pwede magdaeagan eamang it mga 30 Kilometers Per Hour KPH rong Speed Limit sa National Road nga sakup it Poblacion samtang 20 kph sa sueod mismo it poblacion.

Kaeabanan sa nagaka-disgrasya sa motorsiklo hay nagakatabo sa guwa it poblacion tungod man ku impluwensiya it makahieilong nga ilimnun ag uwa man it naha-rekord nga disgrasya sa sueod it poblacion nga imbolbado ro mga motorsiklo.  Ginhinyo pa gid ku Kalibo Police Station nga madugangan ro pwersa it pulis ag kap eabi gid makaron nga naka-full alert status sanda agud nga ma-ubra nanda it mayad ro andang mga trabaho.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 403
Total views : 58836
Who's Online : 1
Your IP Address: 54.156.42.165
Server Time: 2017-09-21

Visit Us