2 Day Training ku LGU Kalibo Emergency Response Team, gin-umpisahan eon kahapon.

By: Doniel B Aguirre

Ginpa-idaeom eon sa Daywang Adlaw nga LGU Kalibo Emergency Response Team Training ro pilang ka mga Empleyado ku Munisipyo it Kalibo kahapon. Sa pagpanguna ku taeatapan ni Mr. Terence June Toriano, Local Disaster Risk Reduction & Management Officer, anda kara ginpa-idaeom sa Training on Basic First Aid and Basic Life Support kun sa siin tig 2 ka regular nga empleyado ro ginbu-oe agud mag-representar sa sangka dibisyon.

Sa pagpahayag ku LDRRMO, kinahang-ean nga may mga Empleyado nga may ihiba-eo sa pag-eapat it First Aid sa anang mga kaibahan sa sueod it Opisina sa oras nga may matabo nga aksidente o kun may kalamidad nga mag-euntad. Ro anda man nga pagta-o it training hay bilang pagsunod sa mandato ku Bureau of Fire Protection nga dapat may una nga Emergency Response Team sa tanan nga mga Ahensya o Taeatapan it Gobyerno o bisan pribado man nga haum mag-responde kun may matabo nga emerhensiya sa lugar nga gina-trabahohan. Kamana man, gusto pa gid nga madugangan ku MDRRMO Kalibo ro anda kara nga staff sa porma it Rescue Volunteers nga sarang mag-responde. Gin-notahan man ni Toriano ro nangin obserbasyon ni Tatsuya Hada it Japan International Cooperation Agency JICA nga sa nasyong Japan, naga-eksister idto ro sistema it Self Help o kun Self Rescue. Isaea ra ka Japanese Method it Disaster Risk Reduction and Management nga gina-eksperyensyahan man it tanan nga tawo sa kalibutan.

Base man sa datus it JICA, 66.8% it mga Japanese ro nakapatigayon it Self Rescue o by Family, 28.1% rong porsyento it mga naha-rescue it andang mga amigo, kaeapit o kun mga umaeagi eamang, 1.7% rong naha-rescue ku mga Ahensya it Gobyerno kaparehas ku Bumbero, Militar, mga Pulis ag Urban Search & Rescue Teams ag 0.9% rong naha-rescue it ibang tawo. Sa rondayang datus, rong Self Help gid ro may pinakamataas nga porsyento butang nga ginahimo it MDRRMO Kalibo ro nasambitan nga training para sa mga empleyado.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 438
Total views : 58871
Who's Online : 2
Your IP Address: 54.156.42.165
Server Time: 2017-09-21

Visit Us