Archive for August, 2017

By: Doniel B Aguirre

Gina-kumbinyo gid ku Konseho it Kalibo ro 16 ka mga Kabarangayan sa Kalibo nga mag-instola it mga Closed Circuit Television sa mga strategic areas it andang Brgy. Sa Proposed Resolution No. 227 nga gin-proponer nanday SB Members Mark Ace Bautista ag Buen Joy French, ginakumbinyo ro nasambitan nga mga Brgy. nga mag-instola it rondayang survielance system nga may 2 Mega Pixel Resolution.

By: Doniel B Aguirre

Nagpa-abot it pagpasaeamat si SB Member Phillip Yerro Kimpo Jr., ag SB Member Buen Joy French sa Traffic & Transport Management Unit TTMU sa implementasyon kara it dry run it bag-ong Traffic Scheme ag kaeakip man ro Task Force Hawan. Gin-apresyar gid ni Kimpo ro taeatapan ni Ms. Mary Gay Quimpo Joel, Traffic Operations Officer II tungod na-obserbahan it pilang ka pumuoeoyo nga naga-istar sa Poblacion ro pagtawhay ku daeagan it trapiko bisan may una man nga ibang pumoeoyo nga bukon it komportable sa implementasyon.

By: Doniel B Aguirre

Ginpanginbulahan ni SB Member Cynthia Dela Cruz, ro Municipal Disaster Risk Reduction and Management Office – Kalibo sa pagpamuno ni Mr. Terence June Toriano, Local Disaster Risk Reduction & Management Officer kaibahan ro anang mga staff tungod sa aktibo ag alertong naga-responde sa tanan nga emergency calls adlaw man o gabi-i.

By: Doniel B Aguirre

Ginapahauman eon ku Public Affairs, Information & Communications Division PAICD ro pagselebrar it kalibo ku ana kara nga Foundation Day sa Nobyembre 3. Inisyal eon nga ginhathat ku Officer in Charge it PAICD nga si Ms. Aiza Marie Arriola ro pilang ka mga aktibidad sa pagsa-u-eog ku anibersayo sa pagpundar it banwa kun sa siin may pagahimuon nga Halloween Themed Pastrana Park ag may kaibahan pa nga dance contest.

By: Doniel B Aguirre

Nag-donar it dugo ro mga Empleyado ku LGU Kalibo ag mga Empleyado ku Mercury Drug Store kahapon sa Munisipyo it Kalibo. Rong Blood Letting Activity it nasambitan nga Drug Store hay kaparte ku Corporate Social Responsibility ag bilang pagdum-dom ku kaadlawan it Founder kara nga si Mariano Que. Suno kay Ms. Romelyn Martelino, District Manager it Mercury sa Banwa it Kalibo, 

By: Doniel B Aguirre

Waeong ka mga Senador ro pagapangayuan it bulig ni Mayor William Lachica para sa Rehabilitation ag Upgrading it Kalibo Public Market. Sa Regular Session it Kalibo Sangguniang Bayan kahapon, naghinyo ro Alkalde nga magpasar it Resolusyon para kanday Senators Grace Poe, Joseph Victor JV Ejercito, Emmanuel Manny Pacquiao, Cynthia Villar, sa katuyuan nga magpangayo kanda it P10,000,000.00 para maka-establisar it Healthy ag Environment Friendly nga tindahan nga may bastante nga Market Facilities. Base sa ginbaeay nga Resolusyon, mabahoe nga kantidad it pondo ro kinahang-ean para sa Proyekto ag indi mag-igo ro Municipal Budget nga naha-alokar eon sa sari-saring Priority Projects ag Programs.

By: Doniel B Aguirre

Ginpa-idaeom eon sa Daywang Adlaw nga LGU Kalibo Emergency Response Team Training ro pilang ka mga Empleyado ku Munisipyo it Kalibo kahapon. Sa pagpanguna ku taeatapan ni Mr. Terence June Toriano, Local Disaster Risk Reduction & Management Officer, anda kara ginpa-idaeom sa Training on Basic First Aid and Basic Life Support kun sa siin tig 2 ka regular nga empleyado ro ginbu-oe agud mag-representar sa sangka dibisyon.

By: Doniel B Aguirre

Nagahimo it mass vaccination sa mga Grade 1 ag Grade 7 nga mga estudyante sa Banwa it Kalibo ro mga Staff it Municipal Health Office. Sa pagpamuno ni Dr. Makarius Tel Aviv Dela Cruz, Municipal Health Officer, Dr. Nikki James Francsico ag Dr. Jocelyn Garcia, mga bakuna kaparehas ku measles rubella ag tetanus deptheria vaccines ro gina-gamit it mga nurses sa sueod ku buean ngara it Agosto iya sa Kalibo.

By: Doniel B Aguirre

Gin-proponer ku Kalibo Police Station nga indi magsuksuk it helmet ro mga motorista kun naga-byahe sa sueod ku Poblacion, Kalibo. Sa ginhimo nga Municipal Peace & Order Council MPOC meeting ginpa-abot ni SPO4 Rene Armenio it Kalibo Police Station kun pwede masugtan ro proposal o kun pwede man nga half face nga helmet ro pagasuksukon. Kun pahinugutan man nga uwa it suksuk nga helmet, malikawan ro pag-abo it kaso it riding in tandem pero tungod man sa road safety kun naga-byahe it motorsiklo, pwede eon gumamit it helmet kun nagapaguwa eon it poblacion o kun sa national highway eon.

Visitor Counter

023032
Users Today : 125
Users Yesterday : 128
This Month : 2441
This Year : 13032
Total Users : 13032
Views Today : 440
Total views : 71126
Who's Online : 1
Your IP Address: 54.80.132.10
Server Time: 2017-10-21
Visit Us