Month: July 2017

By: Doniel B Aguirre

Refer to: Mr. Efren Trinidad, Executive Assistant II, Office of the Mayor

Mabahoe rong tsansa nga mataw-an ro Kalibo it P250, 000,000.00 nga pondo halin sa taeatapan ni Presidente Rodrigo Roa Duterte agud magamit sa pag-ubra it river control o kun revetment walls sa riverbank it Aklan River maghalin sa may Brgy. Bachao Norte paadto sa Poblacion.

Sa pagpahayag ni SB Member Rodilio Policarpio, ginhinyo imaw ni Mayor William Lachica nga maghimo it resolusyon nga igapasa sa opisina ni Presidente Duterte rason nga naghinyo imaw nga makapasar it resolusyon ro konseho. Gindugang pa gid ni SB Policarpio nga haum eon ro Budget Allocation ag ro Project Program eon lang ro ginahueat para madetermina kun pilang metros ro maabutan it pondo pero ro prayoridad hay ro Brgy. Bachao Norte paadto sa Poblacion, Kalibo.

Ginpa-abot pa ni SB Policarpio nga ro Alkalde hay nagpadaea man it iba pang mga resolusyon sa sari-saring mga senador nga nagapangayo it pinansyal nga bulig para makabutang gihapon it Revetment Wall sa Brgy. Tigayon ag Sitio Libtong nga nahamtang sa kilid it Aklan River kun sa siin nagpa-abot man it mga promesa ro nasambitan nga mga Senador.

By: Doniel B Aguirre
Refer to: Mr. Efren Trinidad, Executive Assistant II, Office of the Mayor

P100,000 ro iga-donar ku Banwa it Kalibo sa Siudad it Marawi agud may magamit sa pagbakae it mga bueong, pagkaon ag bisan shelter materials para sa mga evacuees. Sa Draft Resolution No 203 nga ginproponer nanday SB Members Cynthia Dela Cruz ag Buen Joy French, gintaw-an it otoridad si Mayor William Lachica nga mag-donar it nasambitan nga haega it kwarta halin sa Disaster Fund it LGU Kalibo.

Continue reading

  • 1
  • 4
  • 5