P250 Million nga pondo para sa pagpa-ubra it Revetment Wall Sa Kalibo, gin-aprubahan ku Opisina it Presidente.

By: Doniel B Aguirre
Refer to: Mr. Efren Trinidad, Executive Assistant II, Office of the Mayor

Ginpasaeamatan gid ni Mayor William Lachica ro Konseho it Banwang Kalibo sa pagpamuno ni Vice Mayor Madeline Regalado sa pagpasar it Resolusyon nga naka-address kay President Rodrigo roa Duterte nga nagahinyo nga mag-alokar it pondo nga nagabalor it P250 Million hay ginsabat eon ku taeatapan it Presidente. Sa pagpahayag it Alkalde kahapon sa Monday Flag Raising Ceremony nga ku Hulyo 10 it rayang dag-on, gin-aprubahan ag gintaw-an it prayoridad ro ginapangayo ku munisipyo it kalibo tungod sa kinahang-ean gid ro pagpatindog it revetment wall.

Ginpa-abot ku Alkalde nga may revetment wall man sa porsyon it Rizal St. ag sa may Brgy. Tinigaw pero uwa pa nagakata-ea-ud ag sa lugar ngara naga-agi ro tubi baha nga naga-eapos paadto it Sementeryo, Toting Reyes ag Mabini St. Ro nasambitan nga pondo hay isugpon sa presenteng revetment wall pasunggo sa may Purok 2 paadto gid sa may Bakhaw Norte. May lugar man sa Brgy. Bakhaw Norte kun sa siin may porsyon nga pirme nagakatabo ro erosion hay paga-asikasohon ag ginsakup man sa nasambitan nga pondo.

Ginkangay pa gid ku Alkalde ro mga Department Heads ag Empleyado nga mabisitahan ro madali eon lang gid matapos nga edipisyo para sa rural health units i ag ii nga nahamtang sa N. Roldan St., gusto ku Alkalde nga makita it mga Empleyado kun siin naga-adto ro mga buwis nga ginabayad it mga Kalibonhon.

Trackback from your site.

Visitor Counter

027317
Users Yesterday : 134
This Month : 2397
This Year : 17317
Total Users : 17317
Views Today : 319
Total views : 91449
Who's Online : 1
Your IP Address: 54.92.201.232
Server Time: 2017-12-18
Visit Us