Ordinansa nga Naga-sukot it Bicycle Permit Fee sa Banwa it Kalibo, Gin-Eksplekar Ku Konseho.

By: Doniel B Aguirre Refer to: Mr. Efren Trinidad, Executive Assistant II, Office of the Mayor

Mabuhay eon nga ordinansa sa Banwa it Kalibo nga nagamando ku pag-rehistro it tanan nga mga bisikleta sa Munisipalidad it Kalibo. Raya ro ginpahayag ni Vice Mayor Madeline Regalado parte sa ginpa-abot nga kabaeaka ni SB Member Mark Ace Bautista sa Konseho. Suno sa Presiding Officer it Kalibo Sangguniang Bayan, naha-implementar man sa Banwa it Kalibo ro pagsukot ag pagbutang it mga sticker sa tanan nga bisikleta, pero mabuhay nga nag-pondo ag sa makaron hay uman nga gin-implementar eamang it Munisipyo.

Sa dugang pa nga eksplenasyon ni Vice Mayor Regalado, kinahang-ean ma-regulate ro tanan nga naga-gamit it bisikleta sa mga karsdahon paagi sa pagpa-butang it mga stickers tungod sanda man ra, kaparehas it ibang behikulo hay naga-gamit man it karsada. Ro dag-unan nga pagsukot it P75.00 hay nakasaad sa Revenue Code it Kalibo kun sa siin ro P50.00 hay para sa bicycle permit fee ag ro P 25.00 hay para sa sticker number.

Ginpa-abot pa gid ni SB Member Bautista nga ro pilang ka mga bicycle enthusiasts hay nagpa-butyag nga uwa man it Bike Lane ro LGU Kalibo bilang kabaylo man ku gina-implementasyon nga pagpanukot, kamana man kun pangutana pa gid nga paalin kun bukon it taga Kalibo ro tag-iya it bisikleta hay kun kinahang-ean pa gid nga mag-eukat it permit sa Munisipyo. Gin-rekomendar ku konseho it Kalibo sa ratong bukon it taga – Kalibo nga mag-eukat it bicycle permit sa banwa nga andang gina-istaran para mangin rehistrado eon ro andang mga bisikleta.

Ginpasalig man ni SB Bautista nga pagataw-an nana it kopya ku Ordinansa ro Bicycle Associations ag imaw lang man ro maga-eksplekar. Ana man nga gintan-aw ro posiblidad nga kun indi gid man maka-establisar it bicycle lane hay basi magiging pwede ro bicycle park nga hika-butang sa Banwa it Kalibo.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 427
Total views : 58860
Who's Online : 2
Your IP Address: 54.156.42.165
Server Time: 2017-09-21

Visit Us