Banwa it Kalibo, gin-deklara nga kaeakip sa Top 10 LGUs nga naga-gamit it Electronic System sa pag-asikaso it mga negosyo ku DICT.

By: Doniel B Aguirre
Refer to: Mr. Efren Trinidad, Executive Assistant II, Office of the Mayor

Malipayon nga ginbalita nanday Mayor William Lachica ag Mr. Rey Villaruel, Municipal Treasurer it Banwang Kalibo sa mga Empleyado ku LGU Kalibo nga ro munisipyo hay nakabaton it award halin sa Dept. of Information & Communications Technology DICT. Ginpahayag ni Mr. Villaruel nga ku adlaw nga Martes, isaeang ka okasyon it DICT, DILG ag DTI ro anang gin-atindiran kun sa siin gintalakay ku Electronic Business Permits & Licensing System. Suno sa Municipal Treasurer, ro Munisipyo hay naga-gamit it sistema ku BPLD sa idaeom ku ETRACS system nga ginta-o it libre kung Australian Aid.

Ginhambae pa kahapon ni Villaruel nga rong DICT hay nagata-o it system para sa BPLS sa mga LGUs nga uwa pa it Automation sa Business Permits & Licensing. Sa 1,586 ka mga lgus ro LGU Kalibo hay naka-iba sa top 10 it ginatawag ku DICT nga E- Ready base man sa ginhimo nga ebalwasyon ku DICT iya sa Munisipalidad it Kalibo ag sa iba pang mga lugar sa nasyon ag gin-ranggo nanda ro ati-atihan town bilang haum eon nga magiging online ro services sa business licensing ag permits.

Ginpahayag pa ku Municipal Treasurer nga maswerte gid ro LGU Kalibo tungod may ETRACS nga naka-instola samtang ro mga LGUs nga uwa it Electronic System hay gintaw-an it DICT. Free system ag computers para magamit sa electronic BPLS system. Uwa man it cash award pero ro pagkilaea nga ginta-o ku DICT sa Kalibo hay nagapakita ku mayad-ayad nga pagserbisyo it Munisipyo sa patag it pagtatap sa mga negosyo.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 451
Total views : 58884
Who's Online : 2
Your IP Address: 54.156.42.165
Server Time: 2017-09-21
Visit Us