Vice Mayor Regalado, Nagpa-abot it Anang Sabat Kontra Sa Mga Nangin Opinyon it Pilang Ka Mga Kalibonhon Parte Sa Gulping Pagbaha Ku Martes.

By: Doniel B Aguirre Refer to: Mr. Efren Trinidad, Executive Assistant II, Office of the Mayor

Gina-respeto gid ni Vice Mayor Madeline Regalado ro opinyon ag panan-awan it pilang ka mga Kalibonhon nga nagpa-abot it andang komento parte sa nagtaliwan nga mabaskug nga pag-uean ku Hulyo 11 adlaw nga martes gintuna-an it gulpi nga pagbaha sa pilang ka mga karsadahon sa Munisipalidad. Ginpabutyag ni Vice Mayor Madeline Regalado sa Monday Flag Raising Ceremony kahapon adlaw nga lunes nga kinamatarong mat-a it ibang kalibonhon nga magpahayag, pero sa parte mat-a it mga empleyado hay gina-ubra gid mat-a nanda ro andang trabaho ag batunon eon lang it positibo.

Gin-eksplekar pa gid ku bise alkalde, nga ro mga Empleyado it Munisipyo hay bukon man it miracle worker para eagi-eagi nga makasolbar it sangka problema sa madali-an. Ginpahayag pa gid nana nga batunon eon lang ro mga negatibong komento tungod nga sa bug-os nga nasyon ag sa kalibutan hay nagakatabo gid man ro flash flood. Pero nangin madali eamang ro pag-eksister it pagbaha ku nagtaliwan nga martes. Ginpanginbulahan man nana ro tanan nga empleyado sa anda karang padayon nga paghugod sa andang mga trabaho. Dugang kara, ginpanginbulahan man ku LGU Kalibo ro Office for the Human Resource Head nga si Ms. Eleanor Isada, HRMO V matapos nga imaw ra hay gin-deklarar bilang Regional Winner sa honor Awards Program Civil Service Pagasa Award. Rong honor awards program it komisyon hay dag-unan nga programa agud rekognisahon ro mga Government Officials ag employees nga nagpakita it tumaeagsahon nga pagpanarabaho. Tuyo sa pagta-o it rondayang award hay para mangin inspirasyon it mga government employees nga i-improbar pa gid ro andang pagtrabaho ag hikabutang sa tagipusuon ro serbisyo publiko. Magatakup rong dag-unan nga search sa pagpanupod it mga awards and recognition sa mga Deserving Public Servants sa selebrasyon ku anibersaryo it Phil. Civil Service sa Setyembre. Rong Civil Service Commission pagasa award hay ginata-o sa indibidwal o grupo it mga indibidwal sa andang tumaeagsahon nga kontribusyon it mga ideya nga nakabenipisyo sa tanan nga mga departamento sa gobyerno.  

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 582
Total views : 90392
Who's Online : 1
Your IP Address: 54.227.126.69
Server Time: 2017-12-16

Visit Us