Munisipyo it Kalibo, Posibleng Makabaton it Pondo Para Sa Konstruksyon it Revetment Wall

By: Doniel B Aguirre
Refer to: Mr. Efren Trinidad, Executive Assistant II, Office of the Mayor

Mabahoe rong tsansa nga mataw-an ro Kalibo it P250, 000,000.00 nga pondo halin sa taeatapan ni Presidente Rodrigo Roa Duterte agud magamit sa pag-ubra it river control o kun revetment walls sa riverbank it Aklan River maghalin sa may Brgy. Bachao Norte paadto sa Poblacion.

Sa pagpahayag ni SB Member Rodilio Policarpio, ginhinyo imaw ni Mayor William Lachica nga maghimo it resolusyon nga igapasa sa opisina ni Presidente Duterte rason nga naghinyo imaw nga makapasar it resolusyon ro konseho. Gindugang pa gid ni SB Policarpio nga haum eon ro Budget Allocation ag ro Project Program eon lang ro ginahueat para madetermina kun pilang metros ro maabutan it pondo pero ro prayoridad hay ro Brgy. Bachao Norte paadto sa Poblacion, Kalibo.

Ginpa-abot pa ni SB Policarpio nga ro Alkalde hay nagpadaea man it iba pang mga resolusyon sa sari-saring mga senador nga nagapangayo it pinansyal nga bulig para makabutang gihapon it Revetment Wall sa Brgy. Tigayon ag Sitio Libtong nga nahamtang sa kilid it Aklan River kun sa siin nagpa-abot man it mga promesa ro nasambitan nga mga Senador.

Trackback from your site.

Visitor Counter

059075
Users Yesterday : 178
This Month : 3196
This Year : 30439
Total Users : 49075
Views Today : 153
Total views : 239628
Who's Online : 6
Your IP Address: 54.162.123.74
Server Time: 2018-07-19

Visit Us