Mapig-ud Nga Pahanomdom Parte Sa Pagtatap it Basura Ginahinyo Nga I-eakip Sa Flag Raising Ceremony It Mga Eskwelahan, Government Agencies Ag Mga Organisayon.

By: Doniel B Aguirre
Refer To: Mr. Efren Trinidad, Executive Assistant II, Office of the Mayor

Agud makabulig sa husto nga pagtatap it mga basura ro pupils ag students sa mga eskwelahan sa Munisipalidad it Kalibo, ginproponer ni SB Member Cynthia Dela Cruz ag SB Member Mark Vega Quimpo nga i-eakot rong short reminder o kun spiel sa oras nga ginahimo ro mga Monday Flag Raising Ceremony sa mga esklwehan nga sakup it DEPED – Kalibo Districts.

Rong reminder o spiel hay pwedeng ubrahon ku DEPED ag Committee on Environment. Gin-rekomendar man ni sb Member Daisy Briones nga i-eakot man ro mga Parents and Teachers Association PTA nga magpartisipar man sa pag-pahanomdom ku tama nga pagtatap it basura. Ginpa-abot man ni Vice Mayor Madeline Regalado nga dapat ma-monitor ku Munisipyo ro mga eskwelahan kun paano nanda pagahimuon ro pagpahanumdom o hika-desiminar sa andang mga inunga ro Solid Waste Management Program it Kalibo.

Rong bulig man it Tri Media sa pagbutang sa ere it nasambitan nga reminder ag kaeakip man ro sari-saring mga organisasyon, government agencies ag mga bangko nga nagahimo it mga flag raising activities hay ginbutang man sa nasambitan nga resolusyon.  Sa paea-abuton man nga inadlaw, paga-amyendahan man ro Solid Waste Management Code tungod mabuhay eon ra nga uwa naha-amyendahan.

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 554
Total views : 90364
Who's Online : 2
Your IP Address: 54.227.126.69
Server Time: 2017-12-16

Visit Us