Facebook User, Nagpangayo It Pasaylo sa Munisipyo it Kalibo tungod ku mga Malisyoso ag uwa it basehan nga pagpabangud sa Social Media.

By: Doniel B Aguirre Refer to: Mr. Efren Trinidad, Executive Assistant II, Office of the Mayor

Eubos gid ro pagnu-oe ag pagpangayo it pasaylo ni Mr. Raymund Kevin Russel Feliciano sa miembro it Kalibo Auxiliary Police, Kalibo Police Station Traffic Section, Land Transportation Office ag sa Munisipyo it Kalibo matapos nga imaw ra hay nag-atubang sa miembro it tri media kahapon Miyerkules Hulyo 5, 2017 para akuon ro anang pagkasaea matapos nga nag-post ra it mga maeain ag negatibong content kontra sa natungdan nga mga ahensya sa facebook.

Pila sa mga posts hay nagabatikos sa mga KAP Members, Kalibo Police Station ag Munisipyo it Kalibo ag naga-kwestyon ku integridad it Ordinansa parte sa open type mufflers, may post man nga nagapa-abot it kaagkig sa kun ham-an nagabantay ag nagapang-dakup ro KAP Members sa Kalibo Numancia Bridge, may post man nga nagapabangud sa kap ag LTO it pagpangotong, may pagpaeag man nga maghinay-hinay ro kap sa pageagas it mga nagalikaw nga violators tungod basi hi-adto ro mga kapsa teritoryo it gina-eagas ag basi may maeain nga matabo kanda, gina-kwestyon pa gid sa mga posts ni Feliciano ro implememtasyon it lto ku pagsuksuk it helmet ag ro pagpang-dakup it mga motorsiklo nga modified.

Nagpangako man imaw nga maga-post sa anang Facebook Account it pagpangayo it pasensya ag paglimpyo sa pangaean ku mga nabiktima ku mga bisaea ag litrato nga anang naha-post kaeakip man ro pag-delete ku anang mga ginpang-post para malikawan eon nga mag-eapta. Igapa-isoe man ku Munisipyo it Kalibo ro pagdeklarar kana bilang persona non grata matapos makita ro anang sensiridad sa pagpangayo it pasaylo pero ginpa-abot ni Mr. Efren Trinidad, Executive Assistant to the Office of the Mayor nga ro LGU Kalibo ag si Mr. Feliciano hay maga-pirma sa kasugtanan nga indi na eon pag-ubrahon pa ag kun pananglit matabo it uman hay may ana eon nga layabilidad.

Sangka post man ro anang ginturo nga bukon it ana kundi gin-post na eamang ag kaeakip man ro anang pag-comment, rong iga-trace ku Munisipyo it Kalibo para makilaea ro tag-iya ku nasambitan nga account. Ro nasambitan nga post hay mga litrato it mga kap members nga nagapatigayon ku pagmando it trapiko kun sa siin nakabutang sa caption nga mag-andam iya eon sanda sa Kalibo ag may caption pa nga mga ISIS ro mga litrato it KAP Members.

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 541
Total views : 90351
Who's Online : 2
Your IP Address: 54.227.126.69
Server Time: 2017-12-16

Visit Us