Banwa it Kalibo, Magadonar it P100,000 nga Bulig Pinansyal Sa Siudad it Marawi

By: Doniel B Aguirre
Refer to: Mr. Efren Trinidad, Executive Assistant II, Office of the Mayor

P100,000 ro iga-donar ku Banwa it Kalibo sa Siudad it Marawi agud may magamit sa pagbakae it mga bueong, pagkaon ag bisan shelter materials para sa mga evacuees. Sa Draft Resolution No 203 nga ginproponer nanday SB Members Cynthia Dela Cruz ag Buen Joy French, gintaw-an it otoridad si Mayor William Lachica nga mag-donar it nasambitan nga haega it kwarta halin sa Disaster Fund it LGU Kalibo.

Sa pagpahayag it 2 ka mga konsehal, ro Banwa it Kalibo hay nakabaton man it sari-saring bulig halin sa sari-saring mga lgus matapos nga agyan it bagyong frank ag yolanda ngani tiempo man ku banwa nga magbulig sa ibang nagakinahang-ean eabi gid ro Marawi City. Ro kaguluhan sa siudad hay nag-umpisa ku May 23, 2017 matapos nga uwa nadakpan it Militar si Isnilon Hapilon, sangka Abu Sayaff Leader, nga nangako it pagdampig sa Islamic State IS sangka Jihadist Group sa Iraq ag Syria. Rong Abu Sayaff ag Maute Group nga may bandera it is kaibahan ro iba pang Foreign Fighters hay ginsakup ro Marawi City ag inumpisahan ro madugo nga inaway.

Sa sueod it sang buean, may kapin sa 280 ka terorista, 69 ka mga sibilyan ro namatay samtang 264,000 ka mga residente ro natinir sa mga Evacuation Centers sa Iligan City ag iba pang mga lugar. Samtang gin-rekomendar man ni SB Member Daisy Sucro Briones nga base pwede man makadonar ro Munisipyo it Kalibo it sangkiri nga bulig pinansyal sa mga suldado nga nagasukoe sa Maute ISIS Group. Pero raya pa nga rekomendasyon hay pagatun-an pa ku Munisipyo tungod base may mga protocol pa nga dapat masunod.

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 556
Total views : 90366
Who's Online : 2
Your IP Address: 54.227.126.69
Server Time: 2017-12-16

Visit Us