2 Adlaw nga Training – Workshop on the Enforcement of M.O. 2009-004, Gin-umpisahan Eon Kahapon.

By: Doniel B Aguirre
Refer To: Mr. Efren Trinidad, Executive Assistant II, Office of the Mayor

Para sa mabakud ag madasig nga implementasyon it Municipal Ordinance No. 2009-004 o kun ro Ecological Solid Waste Management Code of Kalibo, gin-umpisahan eon ku Munisipyo it Kalibo nga ipa-idaeom sa training ro 130 ka mga participants nga ginabilog it mga Child Development Teachers, Brgy. Health Workers, Brgy. Nutrition Scholars, Brgy. tanod halin sa mga Brgy. it Poblacion, Pook, Andagao, Estancia ag New Buswang kaibahan man ro mga Market Enforcers ku Munisipyo it Kalibo.

Nagpasaeamat gid si Engr. Jessie Fegarido, MEEDO Head sa pag-atinder it Brgy. Andagao ag New Buswang tungod maabo gid sanda nga nag-atinder. Ginhinyo gid ni Mayor William Lachica ro suporta ag kooperasyon it tanan nga mga brgy. Sa Kalibo sa pagtatap it mga basura. suno kana, maka-euwas sa mga baeatian ro mga Kalibonhon kun sa husto nga lugar nakabutang ro mga basura. Ro segregasyon man it mga basura hay sarang ma-kwartahan. Ginpabutyag pa ku Alkalde nga progresibo gid ro Kalibo makaron. May mga investors nga gustong magpatindog it mall iya sa Munisipalidad it Kalibo ag iba pang mga istruktura. Gin-eksplekar man ni SB Member Cynthia Dela Cruz, nga obligasyon it mga brgy. nga sanda ra ro magtatap it mga basura nga pwede ma-resiklo ag mga nagaka-eunot samtang ro Munisipyo eamang ro maga-pick up it mga Residual Waste.

Raya man ro ikaywang batch it mga ginhanas ku Munisipyo it Kalibo para mangin mga enforcers matapos nga unang ginhanas ku Solid Waste Management Services ro mga parent leaders it Pantawid Pamilyang Pilipino Program 4Ps sa Banwa it Kalibo.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 436
Total views : 58869
Who's Online : 2
Your IP Address: 54.156.42.165
Server Time: 2017-09-21

Visit Us