Mga Kalibonhon nga may Diabetes ag Hypertension, mas pang matutukan sa igatukod nga CVD Program ag Wound Care Clinics sa Kalibo.

By: Doniel B Aguirre Refer to: Mr. Efren Trinidad, Executive Assistant II Office of the Mayor

Matapos nga gin-presentar ku Handicap International Federation ro andang proyekto nga Diabetes/Cardiovascular Project II sa Probinsya it Akean, ginpa-abot ni Dr. Makarius Tel Aviv dela Cruz, Municipal Health Officer it LGU Kalibo nga mabahoe ro maibulig kara iya sa Munisipalidad it Kalibo partikular sa presenteng Programa it MHO Kalibo makaron. Tuyo ku Proyekto it Handicap International HI Federation nga matapna ag ma-kontrol ro epekto it Diabetes ag Cardiovascular Disease sa mga pumoeoyo. Ginpabutyag ku Municipal Health Officer nga alinsunod sa mandato it DOH, establisado eon ku 2016 ro Diabetic and Hypertensive Health Club ag nakapanupod eon it maintenance medicine sa mga Kalibonhon nga Hypertensive ag Diabetic. Sa bulig it Handicap Intl. Federation, makabulig sanda sa programa tungod magiging sabat ku Handicap Intl. Federation ro training it mga Doktor, Nutrionist ag Midwife  ag ro amot eamang it Kalibo hay manpower nga igapadaea sa trainings.

Magiging katuwang ku Handicap International Federation sa pagpatupad it rondayang Proyekto sa Kalibo hay ro Gobyerno Probinsyal it Akean ag para ngani hipabakud ro kooperasyon sa tunga ku LGU Kalibo ag HI, maga-pirma sa Memorandum Of Agreement si Mayor William Lachica, kaibahan man ro Dr. Rafael S Tumbokon Memorial Hospital ag Dept. of Health – Center for health Devt. Western Visayas Region para sa Development, Implementation, Monitoring ag Evaluation it Cardiovascular Disease Program sa Munisipalidad it Kalibo.

Pilot Areas it rondayang proyekto hay ro Banwa it Kalibo, Passi City, Iloilo City ag Roxas City iya sa Western Visayas ngani sa rondayang mga lugar iga-salin ro CVD Program sa 54 ka mga Health Centers. Mag-euwas pa sa pagsalin ku CVD Program iya sa Kalibo, magatukod pa gid it Wound Care Clinics sa Municipal Health Office it Kalibo ag sa Dr. Rafael S Tumbokon Memorial Hospital.

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 520
Total views : 57955
Who's Online : 2
Your IP Address: 54.224.210.130
Server Time: 2017-09-19

Visit Us