MDRRMO Kalibo, magiging kaibahan sa Airport Emergency & Rescue Organization.

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Agud nga madasig maka-responde ro Municipal Disaster Risk Reduction and Management Office Kalibo sa anuman nga klase it Aircraft Emergency ag iba pa gid sa sueod ku Kalibo International Airport, ginsugtan ku Sangguniang Bayan it Kalibo si Mayor William Lachica nga maka-pirma it kasugtanan nga i-eakip ro MDRRMO Kalibo sa iga-tukod ag iga-operate nga Airport Emergency and Rescue Organization sa nasambitan nga Airport. Suno kay Mr. Terence June Toriano, Local Civil Defense Officer it LGU Kalibo mas magiging madali sa naga-respondeng miembro it MDRRMO Kalibo ro pagsueod sa bisinidad it airport sa oras nga tawagan sanda agud mag-responde kun magiging kaibahan ro anang opisina sa igatukod nga organisasyon.

Anang ginpa-abot nga tungod ku rondayang organisasyon, magata-o ra it klarong mandato sa MDRRMO Kalibo sa pagsueod sa airport. Pila sa gintao nga ehemplo ni Toriano hay ro mismong airport ro nagtawag it andang bulig pero nabuhayan sanda nga mag-responde tungod ginpa-pondo sa gate it airport para i-klaro ku nagabantay sa gate ngani nau-usik ro tiempo sa paghueat. Kun mangin kaparte eon ro mdrrmo kalibo sa organisasyon, uwa eon it kinahang-ean nga umagi pa sa mahaba nga pag-tsek ro paga-agyan it MDRRMO.

Gin-eksplekar pa gid ni Toriano ro parte sa radius o lugar nga ginasakupan it responsibilidad sa pag-responde sa sangka Airport Emergency. Suno kana, rong radius hay lugar o espasyo sa siin sakup ra ku kahawaan nga ginatiyugan it aircraft. Kun may aircrash nga matabo rong lugar nga ginasakupan ku radius ro may responsibilidad nga makapaeapit sa eroplano ag makahimo it Rescue Operation. Bukon eamang it Kalibo, ro magabulig sa pag-rescue kundi ro ibang banwa nga sakup it radius nga ginagamit it eroplano kamana ku mga Banwa it Lezo, Numancia, Makato ag New Washington.

Trackback from your site.

Visitor Counter

019520
Users Today : 119
Users Yesterday : 123
This Month : 2465
This Year : 9520
Total Users : 9520
Views Today : 464
Total views : 58897
Who's Online : 2
Your IP Address: 54.156.42.165
Server Time: 2017-09-21

Visit Us