4Ps Benificiaries it 6 ka Baryo sa Kalibo, nakabaton eon it mga Kanding halin sa DSWD – SLP

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Nagpanupod it mga babayeng kanding sa mga 4Ps Benificiaries it 6 ka mga Brgy. sa Banwa it Kalibo kahapon it agahon sanday Mayor William Lachica, Ms. Lolly Espino, MSWD Officer, Mr. Primo Ebesate Jr., Municipal Agricultural Officer ag Ms. Ezra Moñuz, Project Devt. Officer II kung Sustainable Livelihood Project SLP sa Banwa it Kalibo. Ro pagpanupod it mga kanding kahapon sa mga 4Ps Benificiaries hay ginhiwat tungod kaparte ra it proyekto nga Integrated Diversified Organic Farming System IDOFS ku DSWD SLP nga gin-identified man ku Munisipyo it Kalibo ku 2015 tungod man ku pagdaeasa it Bagyong Yolanda ku 2013. 2016 ra gin-umpisahan nga i-implementar pero gin-una anay ro paghanas sa mga benipisaryo sa pag-ubra it Organic Farming tungod ro proyekto hay may kaibahan nga livestock.

14 ka mga Brgy. ro benipisaryo rikara, kun sa siin ro sangka baryo hay gintaw-an it 7 ka mga kanding samtang igata-o man sa masunod nga dominggo ro iba pang benipisaryo. Gin-klaro ku Project Development Officer II nga bukon it tanan nga benipisaryo it IDOFS ro mataw-an it mga kanding tungod ginatan-aw nanda kun sin-o sa mga benipisaryo ro haum eon nga magbaton. ro sangka benipisaryo hay may responsibilidad nga tatapon ro kanding ag kun mag-unga kun hay igapasa sa masunod nga household ro tiyo nga babaye pero kun bukon it babaye ro premerong tiyo hay ro unang nagtatap ro maga-usoy it paagi nga makata-o it babayeng tiyo.

Ro mga Brgys. nga unang nagbaton kahapon hay ro Brgy. Bakhaw Norte ag Sur, Estancia, Tigayon, Tinigaw ag Linabuan Norte. Sa masunod man nga delivery pagataw-an ro nabilin nga mga Brgy.

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 519
Total views : 57954
Who's Online : 2
Your IP Address: 54.224.210.130
Server Time: 2017-09-19

Visit Us