Ika 119 Anyos nga Anibersaryo ku Kahilwayan it Nasyon, gin-selebrar it Kalibonhon

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

Sa pagpanguna ni Mayor William Lachica ag Vice Mayor Madeline Regalado, naghaead it mga bueak sa Obelisk it mga World War II Veteran ag sa Monumento nanday Gat. Jose Rizal ag Andres Bonifacio sa Kalibo Pastrana Park kahapon adlaw nga lunes Hunyo 12, 2017. Sa mensahe it alkalde, ro selebrasyon kahapon hay adlaw man para tandaan man ro mga baganihan sa siin naghaead ku andang dugo ag kabuhi para sa kahilwayan.

Ginpahayag pa ku alkalde nga sa pihak man ku sari-saring problema nga gina-atubang it Pilipino makaron kaparehas it Kapobrehon, Kalamidad, Krimen, Korapsyon, Illegal Nga Droga ag ro makasueo-bu nga nagakatabo sa Marawi City. Kada sambilog katon hay may kaugalingon nga responsibilidad imaw ngani ro pagta-o it bisan sangkiri nga bulig sa mga igmanghod nga naapektuhan it kalamidad, gulo, pagdampig sa hustong ueobrahon ag ro pakikipag-iba sa selebrasyon kahapon hay pwede eon nga bulig para sa pag-umwad it Nasyon.

Ginhinyo pa gid ku alkalde rong tanan nga magbueoligan paadto sa pagbag-o nga ginahandum. Sangka pagbag-o sa siin ro Pilipinas hay may Kahilwayan ag Matawhay.

Bago gin-umpisahan ro programa sa Kalibo Pastrana Park, nag-atinder man ro mga empleyado ku Munisipyo it Kalibo sa sangka Santos nga Misa sa Kalibo Cathedral. Ginsundan man it sangka parada daea-daea ro mabahoe nga Bandera it Nasyong Pilipinas pasueod it Kalibo Pastrana Park nga ginpartisipahan ku Phil. Army, Aklan Police Provincial Office, PNP-Kalibo, BFP Kalibo, 19 Martyrs Lodge #342 Mason, MDRRMO Kalibo, NAVAL ROTC, PCGA, Knights Of Columbus, Kalibo Municipal Employees ag iba pa gid.

 

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 523
Total views : 57958
Who's Online : 2
Your IP Address: 54.224.210.130
Server Time: 2017-09-19

Visit Us