Archive for June, 2017

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Agud nga madasig maka-responde ro Municipal Disaster Risk Reduction and Management Office Kalibo sa anuman nga klase it Aircraft Emergency ag iba pa gid sa sueod ku Kalibo International Airport, ginsugtan ku Sangguniang Bayan it Kalibo si Mayor William Lachica nga maka-pirma it kasugtanan nga i-eakip ro MDRRMO Kalibo sa iga-tukod ag iga-operate nga Airport Emergency and Rescue Organization sa nasambitan nga Airport.

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Isaeang ka Basic Gender Sensitivity Training ++ ag Brgy. Gender & Development Planning and Budgeting para sa dag-on 2018 ro pagahimuon ku Munisipyo it Kalibo sa Hunyo 29 ag 30 it rayang dag-on sa katuyuan nga maka-angkon it madaeom nga pag-intiende ro mga kabaranggayan it Kalibo parte sa relasyon it mga babaye ag eaeaki sa pagbaeay it dag-unan nga pondo sa Barangay.

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Gin-ea-ong ni Mayor Arthur Celeste ku Alaminos City, Pangasinan nga makopya nanda ro madinaeag-un nga pagtanum it mga mangrove sa lugar nanda sa Pangasinan. Sa ginhimo nga lakbay aral ku Hundred Island Natl. Park Protected Area Management Board PAMB sa pagpanguna ni Mayor Celeste sa Banwa it Kalibo ku Biernes Hunyo 23, 2017, isaea sa mga ginbisitahan ku grupo ro Bakhawan Eco Park.

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Sari-saring mga pahampang para sa mga Kalibonhon ro ginhimo ku Munisipyo it kalibo ku sabado agud selebrahon ro kapiestahan ni San Juan De Bautista. Sa pagbueoligan ku Public Affairs Information & Communications Division sa idaeom ku pagdumaea ni Mayor William

By: Doniel B Aguirre Refer to: Mr. Efren Trinidad, Executive Assistant II Office of the Mayor

Matapos nga gin-presentar ku Handicap International Federation ro andang proyekto nga Diabetes/Cardiovascular Project II sa Probinsya it Akean, ginpa-abot ni Dr. Makarius Tel Aviv dela Cruz, Municipal Health Officer it LGU Kalibo nga mabahoe ro maibulig kara iya sa Munisipalidad it Kalibo partikular sa presenteng Programa it MHO Kalibo makaron.

By: Doniel B Aguirre
Refer to: Mr. Efren Trinidad, Executive Assistant II Office of the Mayor

Nagpanupod it mga babayeng kanding sa mga 4Ps Benificiaries it 6 ka mga Brgy. sa Banwa it Kalibo kahapon it agahon sanday Mayor William Lachica, Ms. Lolly Espino, MSWD Officer, Mr. Primo Ebesate Jr., Municipal Agricultural Officer ag Ms. Ezra Moñuz, Project Devt. Officer II kung Sustainable Livelihood Project SLP sa Banwa it Kalibo.

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

Sa pagpanguna ni Mayor William Lachica ag Vice Mayor Madeline Regalado, naghaead it mga bueak sa Obelisk it mga World War II Veteran ag sa Monumento nanday Gat. Jose Rizal ag Andres Bonifacio sa Kalibo Pastrana Park kahapon adlaw nga lunes Hunyo 12, 2017. Sa mensahe it alkalde, ro selebrasyon kahapon hay adlaw man para tandaan man ro mga baganihan sa siin naghaead ku andang dugo ag kabuhi para sa kahilwayan.

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

Matapos nga nahayagan ro kaabuan nga nag-pirma sa petisyon nga uwa naila nga ipatindog ro sangka Covered Court sa Kalibo Pastrana Park, nag-umpisa eon ku nagtaliwan nga Dominggo ro pagpa-ubra it Covered Court sa Kalibo Pastrana kun sa siin ginapanan-aw nga Setyembre raya matapos.

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

Isaeang ka Focused Group Discussion FGD para sa Small And Micro Enterprise Roving Academy SMERA ro ginhimo ku Department Of Trade & Industry DTI Aklan sa mga Small Micro Entreprenuers sa banwa it Kalibo ku Hunyo 7 agud sayuron kun ano pa ro pwedeng hikabulig ku DTI sa pagpa-eambo pa gid sa andang negosyo. Rong SMERA hay sangka Learning Institution nga nakakatuon ro mga entrepreneur umpisa sa pinakamanaba hasta gid sa mataas o kun pinaka-technical learning hay andang masayran. May 4 ka services ro ma-avail it mga nagpartisipar kaparehas ku Module 1 – Focused Group Discussion, Module 2 – Business Planning and Financial Management, Module 3 – Product Development ag Module 4 – Conduct of Trainings.

Visitor Counter

027318
Users Yesterday : 134
This Month : 2398
This Year : 17318
Total Users : 17318
Views Today : 360
Total views : 91490
Who's Online : 4
Your IP Address: 54.92.201.232
Server Time: 2017-12-18

Visit Us