Mga Naga-Bandalismo Sa Kalibo, Kilaea eon ku Kalibo Police Station

By: Doniel B Aguirre Refer to: Mr. Efren trinidad, Executive Assistant II Office Of The Mayor

Kilaea eon ku Kalibo Police Station ro mga nagatuga it bandalismo iya sa Banwa it Kalibo. Suno kay PCINSP Terence Paul Sta. Ana, hepe ku Kalibo Police Station, mga menor de edad ro nasambitan nga mga suspetsado ag plano eon makaron ku Kalibo Police Station nga ipa-summon o imbitahan ro andang mga ginikanan ag kaeakip man ro mga menor de edad.

Mga ordinaryong pamatan-on nga naga-edad it indi magnaba sa desi otso, gina-proponer ni PCInsp Sta. Ana nga maghimo it covenant signing ag igapa-pangako kanda nga indi eon pag-umanon ag makikipag-angot man sanda iba pang mga ahensya para masayran kun ano ro pwedeng ma-ubra para sa mga pamatan-on. Gin-rekomendar man ni Sb Member Buen Joy French ro mga inunga ngara ro papintahon it uman sa mga lugar nga gin-vandalized nanda.

Maabong mga lugar ro may bandalismo iya sa Kalibo kaparehas ku M. Laserna St,. GOMBURZA, Veterans St., 19 Martyrs St., Kalibo Elementary School, sa likod it Provincial Hospital ag sa may comfort room it LGU Kalibo. Ro nasambitan nga mga minor suspects hay mga nagahampang it skate ag long board sa Kalibo Pastrana Park.

Trackback from your site.

Visitor Counter

058468
Users Yesterday : 230
This Month : 2589
This Year : 29832
Total Users : 48468
Views Today : 1348
Total views : 236025
Who's Online : 3
Your IP Address: 54.198.243.51
Server Time: 2018-07-15
Visit Us