KAAA Members, suportado ro plano ku Munisipyo it Kalibo nga magpasakup sa Travel Mart.

By: Doniel B Aguirre
Refer To: Mr. Efren Trinidad, Executive Assistant II Office of the Mayor

Magasuporta ro mga Hotels ag Inns sa Banwa it Kalibo sa plano kara nga magpartisipar sa Travel Mart makaron nga dag-on. Sa ginpatigayon nga Kalibo Ati-Atihan Accommodations Association KAAA meeting, sambilog sa Resource Speaker si SB Member Philip Yerro Kimpo Jr., nga nagpa-ambit man ku anang bulig sa KAAA kun paano hika-promote ro andang mga establisimiento. Pila sa mga gintalakay nana hay ro pagpasiguro nga may una nga Booth ro LGU Kalibo sa Travel Mart sa September. Rong Travel Mart hay masami nga ginahimo sa Mall Of Asia kun sa siin tanan nga siudad ag kabanwahunan ag sari-saring organisasyon may kaangtanan sa turismo hay nagatukod it Booth agud i-promote ro mga sari-saring Tourism Sites, Products And Services sa mga Local ag Foreign Tourists.

Isaea eon ka Resolusyon ro ginproponer ni SB Member Kimpo agud makabu-oe it Booth ro Munisipyo it Kalibo sa Travel Mart rason nga ginpangayo man ku SB Member ro suporta it KAAA. kun makapartisipar ro Kalibo sa Travel Mart, pagadaehon ku LGU Kalibo ro mga brochures it mga regestered hotels ag inns iya sa Kalibo.

Ginpa-abot man ni SB Kimpo nga pwede imaw maglibot sa mga Hotels ag Inns para sayuron ro istorya it mga Hotels ag igasueat nana it libre. Ro nangin topiko ni SB Kimpo hay ro parte sa Tourism Thru Social Media, ana kara nga gintalakay kun paano i-promote ro sangka lugar paagi sa pag-focus kun ano ro pinasahi sa nasambitan nga lugar nga indi makita sa iba.

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 528
Total views : 57963
Who's Online : 2
Your IP Address: 54.224.210.130
Server Time: 2017-09-19
Visit Us