Agri-Info Caravan, gin-umpisahan eon ku Munisipyo it Kalibo

By: Doniel B Aguirre
Refer To: Mr. Efren Trinidad, Executive Assistant II Office of the Mayor

Gin-umpisahan eon ku Municipal Agricultural Services Division it Kalibo ro Agri-Info Caravan sa mga Kabaryuhan iya sa Banwa it Kalibo. Kahapon, Mayo 23, gintipon ku Munisipyo it Kalibo ro mga mangunguma ku Brgy. Briones ag Mabilo sa Briones Elementary School agud eksplekahan ku mga benipisyo ku Rice Crop Management RCM, mga programa ku Phil. Crops Insurance Corporation ag husto nga pagtatap it mga basura sa mga Kabaranggayan.

Nagpasaeamat gid si Engr. Jessie Fegarido, Meedo Head sa inisyatibo ku MASD tungod sa paghinguha nanda nga hikapa-abot sa mga mangunguma ro makabag-ong teknolohiya sa pagpanguma. Ana kara nga gin-notahan ro ginpatigayon nga Public Hearing parte sa Comprehensive Land Use Plan kun sa siin apektado gid ro mga ro eogta para sa pagpanguma. Tungod man ku sari-saring Improvements kaparehas ku mga Circumferential Roads ag Reclamation. Sa rondayang kabangdanan, gin-kumbinyo gid it MEEDO Head ro mga farmers nga magpaino-ino para indi man ma-apektuhan ro pangabuhian it mga Farmers. Suno kay Engr. Fegarido bisan maisot ro paga-umhan pero kun may inisyatibo ag kaaeaman ro mga mangunguma hay pwedeng makapatubas it maabo. Gin-kumbinyo pa gid ku MEEDO Head ro mga mangunguma nga indi mahuya nga magpangayo it bulig sa mga Empleyado ku Municipal Agricultural Services Division parte sa pag-improbar it andang mga eanas.

Pina-agi kay Ms. Lorelie Repusar ku Office of the Provincial Agriculturist, gintalakay rong parte sa Rice Crop Manager. Isaea ra ka decision-making tool nga magamit paagi sa computers o smartphone. Ro ginata-o nga crop & nutrient management advice hay nagagamit gid ku mga small scale rice farmers. Samtang ro parte man sa Solid Waste Management in Agriculture hay gintalakay man nanday Ms. Adorada Reynaldo Hepe ku Solid Waste Management Services ag ni Mr. Michael Selorio.

Trackback from your site.

Visitor Counter

027058
Users Yesterday : 144
This Month : 2138
This Year : 17058
Total Users : 17058
Views Today : 502
Total views : 90312
Who's Online : 1
Your IP Address: 54.227.126.69
Server Time: 2017-12-16

Visit Us