Municipal Nursery it Banwang Kalibo, may bag-o eon nga Greenhouse

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

May magamit eon nga Greenhouse ro Municipal Agricultural Services Division Kalibo matapos nga natapos eon ro konstruksyon kara sa Municipal Nursery sa Brgy. Nalook, Kalibo. Suno kay Mr. Primo Ebesate Jr., Municipal Agricultural Officer, may orihinal nga Green House ro Munisipyo pero sambilog ra sa nasamad it Bagyong Yolanda ku Nob. 8, 2013 ngani anda ra nga gin-report sa Dept. of Agriculture para hi-ayos ag ku rondayang eang dominggo nag-abot ro mga materyales ag ginpatindog.

Ginpabutyag ku hepe it Municipal Agricultural Services Division Kalibo nga mas matibay ra ikumpara sa naha-unang desenyo it Green House tungod ro pundasyon hay sementado ag maeagko ro mga tubo nga gin-gamit. Sambilog man ro Munisipyo it Kalibo nga benipisaryo it rondayang proyekto halin sa programang Yolanda Rehabilitation Program ku Dept. of Agriculture.

Sa pag-eksplekar ni Ebesate, ro Green House hay ginagamit sa pagpatubo it sari-saring mga planting materials umpisa it mga tinuean-un ag mga kahoy bisan anuman nga klase it tiempo ro maga-eksister sa suoed it sang dag-on, tungod nagiging protektado ro tanum sa sueod it Green House kontra sa subrang init ag uean, kontrolado ro temperatura, ro kabaskug it silak halin sa adlaw, ro pagpasueod it tubi ag bisan ro fertilizer application.

Trackback from your site.

Visitor Counter

027059
Users Yesterday : 144
This Month : 2139
This Year : 17059
Total Users : 17059
Views Today : 518
Total views : 90328
Who's Online : 2
Your IP Address: 54.227.126.69
Server Time: 2017-12-16

Visit Us