Gender & Development Planning and Budgeting Seminar Workshop, ginhimo Sa Munisipyo it Kalibo.

By: Doniel B Aguirre
Refer To: Mr. Efren Trinidad, Executive Assistant II Office Of The Mayor

Isaeang ka Gender & Development GAD Planning ag Budgeting Seminar Workshop ro ginpatigayon kahapon. Sa pagpanguna it Office for the Human Resource sa pagpamuno ni Ms. Eleanor Isada, HRMO V sa Ati-atihan County Inn Function Hall kun sa siin nangin resource person ro Sociologist I it Provincial Planning And Development Office nga si Ms. Maranatha Vargas. Ginpahayag ni Vice Mayor Madeline Regalado nga may presente man nga GAD Plans ag Programs ro Munisipyo para sa 2017 pero may una pa gid nga dapat idugang para sa 2018 matapos nga may naga-inabot nga bag-ong Memorandum ag mga Executive Orders nga kinahang-ean konsiderahan para sa GAD Planning.

Ginturo ku Sociologist I it PPDO Aklan ro bag-ong Joint Memorandum Circular 2016-1 parte sa GAD Planning and Budgeting. Tuyo pa gid it Seminar Workshop nga madugangan ro kaaeaman ag kamayad it mga participants parte sa Gender & Development ag kun paano taw-an it eubusan nga atensyon ro Gender and Development sa tanan nga mga proyekto, programa ag mga aktibidad. Ginpahanumdom ni Vargas nga sa 2018 GAD Plan, indi eon pagbatunon ku DILG ro GAD Plan nga uwa it project proposal kaibahan ro checklist nga ana man nga ginturo kun paano ubrahon.

Ginkasugtanan sa Seminar Workshop ro uman nanda nga paghimo it meeting sa May 23 para mataw-an it kahigayunan ro mga Department Heads nga ma-ayos ro andang mga GAD Plans para sa 2018 agud makasunod sa bag-ong Joint Memorandum Circular 2016-1. Partikular gid nga hika-linyada sa bag-ong circular ro tanan nga mga attibutable projects. Kun makumpleto it tanan nga departments ro andang GAD Plan, igapasa ra sa taeatapan ni Engr. Marlo Villanueva para kun nag-insakto sa Municipal priorities, kun tama ro gin-gamit nga template ag kun kumpleto ro entries sa plan. Kun pasado sa anang taeatapan, iga-endorso ro GAD Plan sa Municipal Local Government Operations Officer it Kalibo agud ma-tsek ro kaundan ag allignment it mga entries bago mag-isyu it Certificate of Review and Endorsement.

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 492
Total views : 57927
Who's Online : 2
Your IP Address: 54.224.210.130
Server Time: 2017-09-19

Visit Us