Training Workshop para sa Implementasyon it M.O. 2009-004 gin-umpisahan eon kahapon

By: Doniel B Aguirre Refer To: Mr. Efren Trinidad, Executive Assistant II Office Of The Mayor

Isaeang ka Training Workshop para sa implementasyon it Municipal Ordinance No. 2009-004 The Ecological Solid Waste Management Code of Kalibo ro gin-umpisahan kahapon Mayo 4 ag magatapos man makaron nga hapon Mayo 5. Sa pagpanguna ku Solid Waste Management Services ku LGU Kalibo, gintalakay ku taeatapan ni Ms. Adorada Reynaldo, Public Service Officer II ro presenteng sitwasyon it Solid Waste Management Situation, kaeakip man ro importanteng impormasyon ku RA 9003 ag ro Basic Concepts of Ecological Solid Waste Management. Iga-eksplekar man ni Dr. Tel Aviv Dela Cruz, Municipal Health Officer it Kalibo rong Health & Environmental Impacts of Improper Solid Waste Management.

Gin-eksplekar ni Ms. Reynaldo sa mga Rural Improvement Club Members ag 4Ps bilang mga participants ro katuyuan ku Munisipyo kun ham-an planong himuon nga mga enforcers rondayang mga kababayehan. Suno kana, gusto gid ku Munisipyo it Kalibo nga hipataas ro lebel it kaaeaman nahanungod sa Environmental Awareness eabi gid ro negatibong epekto sa palibot ag ikamayad it eawas bunga ku saea nga pagtatap sa basura. Kamana man, hikapa-ambit ro kaaeaman sa mga layi, polisiya ag regulasyon parte sa Solid Waste Management, tun-an ro mga participants nahanungod sa Ecological Solid Waste Management Program ag ro importansiya ag benipisyo kara sa pumoeoyo ag komunidad ag buligan sanda nga masayran ro parte sa husto ag epektibong Solid Waste Management Enforcement Mechanisms.

Sa ngaean man ni Mayor William Lachica, ginpahayag man ni Engr. Jessie Fegarido, MEEDO Head ro pagpasaeamat it Munisipyo sa Training Workshop. Ana kara nga ginbilin sa mga participants nga bukon it maeomo ro pagiging enforcers, dapat tandaan ro layi agud may hika-sabat sa posibleng madakpan.

Trackback from your site.

Visitor Counter

027058
Users Yesterday : 144
This Month : 2138
This Year : 17058
Total Users : 17058
Views Today : 504
Total views : 90314
Who's Online : 1
Your IP Address: 54.227.126.69
Server Time: 2017-12-16

Visit Us