Hugot nga pagpatupad ku Anti-Smoke Belching Law, hinyo ku Munisipyo it Kalibo

By: Doniel B Aguirre Refer To: Mr. Efren Trinidad, Executive Assistant II Office Of The Mayor

Gusto ku Sangguniang Bayan it Kalibo ro hugot nga pagpatupad ku RA 8749 o kun ro Anti-Smoke Belching Law sa Munisipalidad it Kalibo. Base sa Resolution No. 181 nga gin-proponer nanday SB Members Cynthia Dela Cruz ag Rodilio Policarpio ginahinyo ku Munisipyo ro Department of Transportation & Communications, Land Transportation Office, Phil. Natl. Police Kalibo Traffic Enforcers nga entensibong i-implementar rong layi paagi sa tama nga pagpang-dakup it mga behikulo nga naga-buga grabeng aso samtang naga-byahe sa banwa it Kalibo ag kaeakip man ro Public Information parte sa layi.

Ginpabutyag ni SB Dela Cruz nga maabong naga-reklamo sa grabeng aso halin sa mga saeakyan matapos man nga nagahimo eon it education campaign ngani isaea man ro smoke belching sa gustong tutukan ku Munisipyo it Kalibo agud proteksyonan ro ikamayad it eawas ku mga Kalibonhon. Suno kay SB Dela Cruz, ro aso halin sa mga saeakyan hay nagata-o it baeatian sa tawo kaparehas ku Bronchial Ashtma, Emphysyma ag Lung Cancer. Raya man rong dahilan kun ham-an ginahinyo it Kalibo ro nasambitan nga mga government agencies kaparehas ku LTO, DOTC para maghimo monitoring ag apprehension.

Dugang kara, ro iba pang miembro it konseho kamana nanday SB Members Mark Quimpo, Daisy Briones, Buen Joy French ag Mark Ace Bautista hay nagbueoligan sa pagbaeay it iba pang nagaka-angot nga resolusyon sa katuyaun nga matapna ro smoke belching kaprehas ku paghimo it Smoking Emission Tests sa tanan nga mga behikulo sa Kalibo, rong pagbakae it Smoke Meter Machine ag rong maeaparan nga Information Dissemination Campaign agud mabuhinan ro smoke belching.

Trackback from your site.

Visitor Counter

019260
Users Today : 149
Users Yesterday : 124
This Month : 2205
This Year : 9260
Total Users : 9260
Views Today : 507
Total views : 57942
Who's Online : 2
Your IP Address: 54.224.210.130
Server Time: 2017-09-19

Visit Us