Riverbank it Brgy. Tinigaw, iga-impon sa Official List it mga Tourism Destinations

By: Doniel B Aguirre

Refer to: Mr. Efren Trinidad, Executive Assistant II Office Of The Mayor

Iga-impon eon ku Kalibo Tourism & Cultural Affairs Division sa andang Official List it mga Tourism Destinations ro Riverbanks it Brgy. Tinigaw Kalibo. Sa resolusyon nga gin-proponer ni SB Member Philip Yerro Kimpo Jr. nga Resolution No 120, ana kara nga ginahinyo sa TCAD Kalibo imaw man sa Aklan Provincial Tourism Office nga hika-impon ro nasambitan nga lugar sa Data Base it mga Tourism Resources matapos nga makita nana ro potensyal it lugar bilang Tourist Destination.

Ginpahayag nana nga kinahang-ean nga mag-usoy perme it mga iba pang Tourism Resources para i-promote. Suno kana, ku May 2016 ro Brgy. Tinigaw hay naghimo it 1st Brgy. Tinigaw Motocross Event sa sandy area it Riverbank sa Purok 3. Manami tan-awon ro area tungod Medyo Professional Race Track ag kun Summer Time, ro Sunset hay masyado ka picturisque ag rong Revetment Wall Area pwede ubrahon nga Jogging Lane it Kalibo. Angay ag bagay gid rong lugar para i-promote bilang Tourism Area it Banwa ag gin-istoryahan pa gid nana kaibahan ro Punong Brgy. it Tinigaw ag Tourism Officer it Kalibo nga kun pwede hay may una eagi nga event sa lugar makaron nga dag-on.

Ginpa-abot pa ni SB Member Cynthia Dela Cruz nga dapat may una pa gid nga ibang Activities mag-euwas sa Motocross tungod naga-eain-eain ro itsura it Aklan River imaw man ro ana kara nga Riverbank. Ginpa-abot pa ni SB Member Kimpo nga gusto it Punong Brgy. it Tinigaw nga madevelop ro lote sa ibabaw nga porsyon it Riverbank para mangin Permanent Race Track ag pwede pa gid makahimo it iba pang aktibidad sa lugar kaparehas it biking, jogging ag iba pang Recreational Activities.

Trackback from your site.

Visitor Counter

020127
Users Today : 131
Users Yesterday : 109
This Month : 3072
This Year : 10127
Total Users : 10127
Views Today : 412
Total views : 60939
Who's Online : 3
Your IP Address: 54.156.69.204
Server Time: 2017-09-26

Visit Us