Pagpatindog It Double A Standard nga Slaughter House It Kalibo, Igapa-agi Sa Private And Public Partnership Project

26 January 2017

Subject: Pagpatindog It Double A Standard nga Slaughter House It Kalibo, Igapa-agi Sa Private And Public Partnership Project.

by: Doniel Aguirre

for Immediate Release

refer to: Mr. efren Trinidad, Executive Assistant II, Office Of The Mayor

Ginkasugtanan ku Private and Public Partnership Selection Committee nga ipa-idaeom sa ppp program ro pagtinguha ku lgu kalibo nga mangin double aa standard ro abbatoir it banwa. sa hinun-anon nga ginpamunuan ni Mayor William Lachica kahapon Enero 25, 2017 nagkasugot rong komitibanga magbaton it mga project proposals halin sa bisan ano nga maeagkong kumpanya nga eksperto sa pag-mintinar it double a standard nga Slaughter House agud nga matuman ku munisipyo it kalibo ro handum kara nga makapadaea man it limpyo nga mga produktong karne sa isla it boracay, mga malls ag iba pang mga lugar alinsunod man ku mando it National Meat Inspection Section (NMIS) nga halin gid sa Double A nga slaughter ro pagabak-eon nga mga karne.

Ginpahayag man ni Engr. Jessie Fegarido, MEEDO head nga may sambilog eon nga kumpanya nga may proposal parte sa pagsa-ayos it Slaughter House, pero tungod nga magiging PPP Project ro pagtukod it Slaughter House, magiging bukas sa iba pang mga kumpanya ro pagpasa it andang Project Proposal agud madesisyonan ku alkalde kun ano ro may mas paborableng Project Proposal para sa Munisipyo it Kalibo. gindugang pa gid nana nga kun ro magadaug nga proponent ro maga-operate it Slaugther House, uwa eon it paga-gastuhon ro Munisipyo sa pag-mintina ag pagpa-idaeom sa Training ro mga Empleyado it Slaughter House ag makasigurado pa nga maga-kita ro Banwa.

Sa makaron, magabaeay ro Munisipyo it Guidelines kaparehas ku Number of Years of Experience it sangka company ag kun pila eon ro mga numero it andang mga projects nga gin-ubra agud madetermina it Project Proponent kun kwalipikado sanda.

Trackback from your site.

Visitor Counter

019842
Users Today : 90
Users Yesterday : 101
This Month : 2787
This Year : 9842
Total Users : 9842
Views Today : 301
Total views : 59934
Who's Online : 2
Your IP Address: 107.22.118.242
Server Time: 2017-09-24

Visit Us