Mga Kalibonhon, Ginakumbinyo Nga Indi Magbakae It Produktong Karne Sa Mga Meat Shops Nga Uwa It Ginapakita Nga Mayor’s Permit, Sanitary Permit Ag Meat Inspection Certificate

25 January 2017

Subject: Mga Kalibonhon, Ginakumbinyo Nga Indi Magbakae It Produktong Karne Sa Mga Meat Shops Nga Uwa It Ginapakita Nga Mayor’s Permit, Sanitary Permit Ag Meat Inspection Certificate.

By: Doniel Aguirre

Refer to: Mr. Efren Trinidad, Executive Assistant II, Office of the Mayor

Ginakumbinyo makaron ni SB Member Cynthia Dela Cruz sa mga Kalibonhon nga indi magbakae it sari-saring produkto halin sa karne sa mga meat shops nga uwa it nakapaskin nga Mayor’s Permit, Sanitary Permit ag Meat Inspection Certificate iya sa Banwa it Kalibo. Sa Committee Meeting nga ginhimo kahapon Enero 24, 2017, nagpahayag it kahawag ro Committee on Health and Economic Enterprise Sa naga-inabo nga mga meat shops nga uwa it nagakaigo nga permiso nga nagabaligya it mga Meat Products sa binit it mga karsada.

Bisan pa nga ro mga ginabaligyang karne hay ginakatay sa Municipal Slaughter House it LGU Kalibo, indi gihapon masigurado nga safe kan-on rayang mga karne tungod ku pama-agi it pag-display ag pagbaligya it mga karne pag-abot sa mga pwesto. Sa pihak it mga meat shops nga uwa it permiso, may una mat-a nga mga meat shops nga nagasunod sa patakaran ag kumpleto it nagakaigo nga permiso kun sa siin nagiging unfair para kanda.

Ginsuggest ni SB Member Policarpio, nga maghimo it mekanismo agud mataw-an it mga Sanitary Permit ag Mayor’s Permit rondayang mga Meat Shops. Eabi gid nga rondayang mga meat shops sa kilid it karsada hay indi gid pwedeng mataw-an it sanitary permit. Ginrekomendar man ni SB Member Daisy Briones nga maghimo it dayalogo sa tanan nga meat shops agud masayran ro andang mga kinahang-ean, ma-educate it andang mga bayolasyon ag kun paano sanda magiging mga akreditado it Munisipyo.

Ginkasugtanan kung komite nga magahimo it imbentaryo ro munisipyo it kalibo sa numero it mga meat shops sa banwa ag rong Task Force on Public Safety hay magapatigayon it pag-inspeksyon mga 2 beses sa sang buean. Ro mga meat shops nga indi makasunod sa magiging kasugtanan nanda sa Munisipyo it Kalibo matapos ro dayalogo hay iga-rekomendar sa opisina it Alkalde agud isarado.   

radio logo

 

Trackback from your site.

Visitor Counter

019842
Users Today : 90
Users Yesterday : 101
This Month : 2787
This Year : 9842
Total Users : 9842
Views Today : 300
Total views : 59933
Who's Online : 2
Your IP Address: 107.22.118.242
Server Time: 2017-09-24

Visit Us