Month: October 2016

Mabasahan eon it mga kalibonhon ro mga importanteng mga local ordinances ku banwa it kalibo.  Sa gin-aprubahan nga resolution no. 063 nga gin-proponer ni sb member cynthia dela cruz, magahimo, iga-panupod ag iga-post sa mga tarpaulins ro local ordinances it munisipalidad para sa kasayuran ag giya it mga pumoeoyo.

Suno kay dela cruz, ro kaundan it mga informative tarpaulins hay pagakasugtanan sa regular session it sangguniang bayan sa sueod it 30 diyas matapos nga ma-aprubahan ro resolusyon. Iga-sumite it committee on laws ro mga proposals ku disenyo it mga tarpaulins. Samtang ro information department kaeakip ro information and techology unit ro magahimo it produksyon ag rong engineering department ro magapangtakud.

Makit-an sa pilang inadlaw ro mga informative tarpaulins sa kalibo municipal hall area, kalibo pastrana park, magsaysay park, kalibo public market, kalibo international airport area, bus ag jeepney terminals, tanan nga public schools, police station, tanan nga brgy. Halls, boundary areas it kalibo ag iba pang mga lugar nga gusto it sangguniang bayan.

 

Nagasuporta gid ro munisipyo it kalibo sa ginhimo nga blessing ag turn over ku estatwa ni archbishop gabriel m reyes sa munisipalidad it kalibo nga nahamtang sa pastrana park, agud ipakita ro anang importansiya sa turismo ag heritage landmark sa aklan, ginahinyo pa gid ku sangguniang bayan it kalibo partikular sa tourism and cultural affairs division nga i-eakot ro monumento ni archbishop gabriel m reyes sa database it tourism office ag umpisahan man ro pag-promote kara bilang kaparte ku heritage ag historical program it kalibo.

Base sa resolution no. 64 nga gin-proponer ni hon. Mark vega quimpo ag sb member philip yerro quimpo,  gina-rekognisar it munisipyo rong archbishop gabriel memorial foundation, inc. (agmrfi) bilang sambilog nga non-governmental organizations sa aklan sa siin ginpaeangan sa nagtaliwan nga arsobispo ro organisasyon.

Si archbishop gabriel martelino reyes hay sangka akeanon nga natawo ku march 24, 1892 sa banwa it kalibo ag pinaka-unang native filipino nga nangin arsobispo it manila. Nangin arsobispo man imaw it cebu umpisa ku 1934 hasta it 1949 ag nagserbsiyo bilang arsobispo it manila umpisa ku 1949 hasta imaw binawian it hueam nga kabuhi ku 1952.

 

Kadungan ku paghimo i t skills training on integrated diversified organic farming system (idofs) project, ginpa-intiende man sa batch 1 it 4ps members ro parte sa disaster risk reduction component it skills training kahapon oktubre 5, 2016. Pina-agi kay mr. Allan francisco, ku mdrrmo kalibo ag mr. Tatsuya hada, jica volunteer, gintalakay ro gender and climate change,aklan local flood and early warning system (alfews), vulnerability capacity assessment, field evaluation and assessment, mapping: vulnerabilities, resources, capacities threats and hazards, introduction to drr planning, introduction to evacuation camp management, organization and camp management process.

Suno kay ms. Ezra munoz, slp coordinator sa kalibo, ginaturo gid sa mga participants ro ka-aeaman parte sa disaster risk reduction and climate change agud nga ma-intindihan nanda ro epekto it kalamidad sa mga taeamnan ag kun paano ra mapahauman.

Gindugang pa gid ni munoz, nga magpa-abot it mga pangutana sa mga topiko nga ginaturo agud hika-implementar it husto ro mga natun-an. Ana pa gid nga ginpahayag nga sambilog sa mga handum ku dswd – slp hay sa pag-abot it dag-on 2030, uwa eon it mga 4ps beneficiaries ro ginataw-an it bulig kundi ro mga benepisaryo eon ro nagakita ag nagata-o it bulig sa iba.

 

Sa handum nga hikatukod ro hanging bridge nga maga-konekta ro banwa it kalibo ag bakhaw norte, personal nga gin-adtunan ni mayor william lachica ro lugar it pagsanjan, laguna agud tan-awon ro istruktura it hanging bridge. Suno kay mayor william lachica, ro hanging bridge sa pagsanjan hay kilaea nga malig-on ag sarang maka-agi ro motorsiklo.

Ana kara nga gintan-aw ro itsura it istruktura, ro mga material, disensyo ag anang kahaba agud ubrahon nga basehan o disensyo it hanging bridge nga paga-ubrahon iya sa banwa it kalibo. Suno sa alkalde, maka-agi ro mga tricycle ag bisan mga kotse ikumpara sa hanging bridge it pagsanjan nga motorsiklo eang ro maka-agi pasueod it bakhaw norte gamit ro pondo halin sa bottoms up budgeting process.

Dugang kara, magapanaw man sa metro manila ro alkalde, kaibahan si vice mayor madeline regalado ag ibang mga department heads agud mag-atender sa aktibidad ku phil chamber of commerce and industry (pcci) nga search for most business friendly municipality matapos nga ro lgu kalibo hay napilian sa nasambitan nga search ku 2015.  Magapa-idaeom sa interview ro banwa it kalibo bilang sambilog sa mga finalists sa 2016 most business friendly local government unit.

 

Ginakilaea ag gina-apresyar gid it munisipyo it kalibo ro mga binuhatan ni mr. Luke william butley, bilang sangka australian volunteer for international development (avid). Base sa resolution no. 060 nga ginproponer ni sb member buen joy french, ginapanginbulahan it lgu kalibo ro australian volunteer ag isaea man ka fire fighter halin sa adelaide, australia eabi gid sa nangin bulig kara sa pag-improbar it mga brgy. Pag-abot sa disaster response ag imaw man sa volunteer service program component members it lgu kalibo. Pati man sa pagta-o it training sa mdrrm office operations unit partikular sa urban search and rescue and aid in the institutionalization ku first tactical emergency medical support team ag light urban search & rescue strike force.

Si luke butley hay nagbalik eon sa australia ku nagtaliwan nga martes, kun sa siin ginpakita ku tanan nga mga miembro it mdrrmo kalibo ro ana kara nga mga ginturo kun paano makabulig sa oras it baha o kun may sunog sa isaeang ka demo sa kalibo magsaysay park.

si luke butley hay nagtinir iya sa kalibo sa sueod it mga sang dag-on para magpa-ambit ku anang expertise bilang fire fighter sa australia. Rong resolusyon nga gin-aprubahan it konseho hay igaturn-over kay mr. Terence june toriano, civil defense officer it lgu kalibo para hika-pasa man kay mr. Butley.