Mga basura nga bukon it segregated halin sa mga kabaranggayan indi eon pagbatunon it munisipyo it kalibo

Indi eon pagbatunon it munisipyo it kalibo ro mga basura nga bukon it segregated halin sa mga kabaranggayan, bilang pagsunod sa sambilog sa probisyon it r.a. 9003 nga no segregation no collection policy. Sa ginpatawag nga solid waste management board meeting kahapon, ginp-abot it solid waste management office sa kabaranggayan ro andang responsibilidad sa pagtatap it andang mga basura bilang pagsunod man sa istriktong pagpatupad makaron it r.a. 9003 it denr.

Ginpahayag pa ni ms. Adorada reynaldo, it solid waste management office nga ginpa-abot eon it denr nga i-implementar eon ro safe closure and rehabilitation plan sa pagtakup it oktubre ku tanan nga mga open dump facilities ag pati man ro pagpondo it pag-operate it open dump site para malikawan nga hika-iba sa masunod nga batch it mga lgus nga maplastahan it reklamo sa pagbayolar ku r.a. 9003 sa office of the ombudsman.

Sa pagsunod man ku pahanumdom it denr, may ginahimo eon nga tikang ro munisipyo it kalibo parte sa safe closure plan ag positibo si mr. Ariel fernandez, technical adviser of the mayor, nga ro initial phase ag parte ku safe closure plan hay may naha-implementar eon nga proyekto. May back – filling eon ro contractor nga naga-ubra it revetment wall o river control sa river bank it bakhaw sur. May iga-lay out man nga mga pipes nga maga-konekta sa igabutang nga waste treatment plant sa dumping site.

Trackback from your site.

Visitor Counter

019841
Users Today : 89
Users Yesterday : 101
This Month : 2786
This Year : 9841
Total Users : 9841
Views Today : 225
Total views : 59858
Who's Online : 2
Your IP Address: 107.22.118.242
Server Time: 2017-09-24

Visit Us