• Home
  • September 2016

Month: September 2016

Uman nga maga-himo it pulong ro committee on health sa pagpamuno ni sb member cynthia dela cruz sa oktubre agud ibutang sa final draft ro mga mapa-ino-inohan nga programa ag aktibidad ku lgu kalibo para sa ikamayad it eawas ku mga empleyado it munisipyo. Kaibahan ro office for human resource management, municipal health office ag iba pang mga opisina sa lgu kalibo isaeang ka committee hearing ro ginpatigayon sa sanguuniang bayan it kalibo agud istoryahan ro mga aktibidad agud matutukan man ro ikamayad it eawas it mga empleyado.

Pila sa mga planong paga-usoyan it pondo hay ro mga masunod: prayer room, counselling, breast feeding room, gym room ag meditation room kun sa siin nagapangayo it sueat si sb dela cruz agud ma-ubrahan it resolusyon. Gin-mensyonar man ro mga simple health program kaparehas ku paghimo it complete blood count, ro pagbu-oe it mga timbang pero paga-estudyohan kun ano nga age bracket ro pagataw-an it prayoridad. Gin-rekomendar man ni dr. Freddie malacas, municipal accountant, nga may una nga yoga session, mga preventive talk program, mental and emotional campaign ag iba pa.

Gin-mensyonar man nga matun-an ro pagta-o it mga hazard pay sa mga empleyado it lgu kalibo nga naka-assign sa municipal controlled dump site ag iba pang departamento. Paga-estudyohan man ro hospital ag mortuary fund. Ro mga empleyado man hay pwedeng maka-avail it libreng bueong sa hypertension, diabetes ag vitamins.

Madineag-un nga ginhiwat ku mga child development teachers it banwang kalibo ro family week celebration 2016 imaw man ro mass induction of child development center parents association ku setyembre 26 it rayang dag-on sa abl sports complex. Sa tema nga “matatag na pamilya, maunlad na bukas”, ginpangunahan ku municipal social welfare and development office sa pagpamuno ni ms. Lolly espino ro aktibidad.

Nangin inducting officer it mga child development teachers and parents si sb member cynthia dela cruz kun sa siin may mga tips imaw nga ginpa-ambit sa mga ginikanan para sa mayad-ayad nga pagsina-eayo it mga ina ag andang mga unga. Presente man si sb member buen joy villanueva french samtang si mayor william lachica man ro nag-abi-abi sa tanan nga mga child development teachers.

Ginpangayo man ni ms. Rosa concepcion, presidente it mga child development teachers sa kalibo ro suporta ag kooperasyon it tanan nga mga ginikanan. May ginhimo man nga parlor games para sa mga parents, andang mga inunga ag child development teachers.

Maabong mga kalibonhon nga responsible pet owners ro nag-aead-to sa provincial trade hall it kapitolyo agud panginpuslan ro libreng pagpa-kapon ag imaw man ro pagpa-bakuna it anti-rabies sa mga alagang ayam ag kuring ku setyembre 28, 2016. Suno kay dr. Janna rose menez nepumuceno, veterinarian i it lgu kalibo, bago bakunahan o kun ipa-pakon ro mga kuring ag ayam, nag-agi anay sa check up ro nasambitan nga mga kasapatan sa pagpasilitar ku opvet aklan, lgu kalibo ag asu school of veterinary medicine and clinicians.

Ro mga bueong hay para sa surgery ag imaw man ro post operation medicine kaparehas ku anti-biotics, pain relievers ag vitamins. Nagpatigayon man it deworming, consultation and treatment it mga masakit ku mga ayam ag kuring.

Ro sang adlaw nga aktibidad hay kaparte man ku world rabies day gamit ro tema nga educate, vaccinate, eliminate.

Rong green team ro nangin over all champion sa bag-ong tapos nga 22nd kalibo municipal officials & employees sportsfest nga ginhiwat ku setyembre 19-23 it rayang dag-on sa pagpanguna ku office for human resource management ku munisipyo it kalibo.  Sa nagakasari-saring mga pahampang kaibahan eon ro fun walk ag search for binibining ginoo, nabu-oe ku green team ro 507 points samtang sa ikaywang pwesto ro blue team sa score nga 471 points, sa ikatlong pwesto ro red team sa score nga 399 points, sumunod sa ika 4 nga pwesto ro yellow team sa score nga 303 points ag pang 5 nga pwesto ro orange team sa score nga 273 points.

Sa ginhimo man nga search for binibining ginuo 2016 sa kalibo magsaysay park ku biyernes, gin-deklarar bilang binibining ginoo ro contestant it red team nga si po1 warren lastrilla, samtang 1st runner up man si mr. Jofel valencia it blue team ag 2nd runner up si po1 lleonard villanueva it red team.

Sa special awards, ro best in sportswear ag long gown hay nabu-oe ni arvin flores it green team, best in production number si po1 lleonard villanueva it red team, best in interview si aiven retazo it yellow team, ag ro best in office uniform ag photogenic si po1 warren lastrilla it red team.

Bilang sangka multi awarded writer ag national youth leader, nangin sambilog sa resource speaker sa ginhiwat nga tourism congress si sb member phillip yerro kimpo jr., chairman it committee on tourism ag isaea man sa mga board of director it aklan tourism officers association (aktoa) it banwang kalibo ku setyembre 22, 2016 sa gov. Corazon legaspi cabagnot tourism & training center.

Gintalakay ni sb member kimpo ro parte sa tourism promotion in the age of social media. Suno kana, rondayang topiko ro pinaka-best practice tag imaw pa hay naga-trabaho sa national television bilang sangka editor in chief. Suno kana, haeos tanan hay naga-gamit it social media. Sa kaabo it mga naga-post sa mga social media, uwa eon haeos it oras para tan-awon o basahon o kun ano ro pagataw-an it prayoridad. Sa aspeto man it turismo, ana nga gintur-an it mga pwedeng ubrahon agud mapan-uhan ag taw-an it interes ro mga tourism destination ku probinsya it aklan pina-agi sa social media.  Ginpahayag pa gid nana kun ano ro best practices sa social media kun paano i-promote ro tourism destination kamana ku: knowing the title ag knowing the audience ag iba pang mga topiko.

Samtang gin-eksplekar man ni flight officer nino alejandrino it cebu pacific ro parte sa role of the airline industry in tourism. Gin-istorya man ni ms. Fredilyn fernandez, lead cabin crew it cebu pacific, ro anang istorya it kabuhi, ro parte man sa agritourism: making it work at the local level pina-agi kay ms. Angeles gabinete it guimaras, ag rong plans & programs of the department and orientation on accessible tourism halin kay ms phoebe areno it dot region 6.