Month: August 2016

Ginpa-agi eon sa committee level ro draft ordinance no. 030 urging the strict implementation of benefits & priveleges enjoyed by pwd in kalibo and requesting for a review of policies for the differently abled sa komitiba ni sb member phillip yerro kimpo jr.   Ro draft ordinance hay parehas nga gin-proponer ni sb member kimpo ag ni sb buen joy french sa tuyo nga hikapatupad ro mga polisiya ag para masayran man kun ro mga benepisyo it mga pwds hay gina-agum nanda.

 

Gin-notahan sa draft ordinance nga ro ibang mga pampublikong saeakyan hay uwa ginapasunod ro pagta-o o pagpa-bakante it pungkuan para sa mga pwds rason nga napipilitan ro mga may diperensya sa eawas nga mag-usoy it ibang pungkuan. Ginsaad pa sa draft ordinance kun baea ro mga prebilihiyo parehas it incentives para sa mga employers nga naga-hire it sangka pwd ag imaw man ro pagpa-bitbit kanda it mga pwd booklet kun nagabakae sanda it mga kinahang-eanon.

Pila man sa mga iga-eakot sa paga-aprubahan nga ordinansa hay ro mga masunod: dapat may pungkuan para sa mga pwds sa tanan nga mga puvs, mga terminals ag waiting areas ag responsibilidad it konduktor ag driver nga impormahan ro mga pasahero nga ita-o ro partkular nga pungkuan kun may magasakay nga pwd, ro budget para sa mga pwds kun sa siin .5% ra it 1% nga ginahueay ku senior citizens ag pwds hay paga-gamiton sa pagpa-ubra it mga stickers sa pagbueoligan sa lto, para sa mga jeepneys gusto it mga pwd nga ro pungkuan para kanda hay maeapit sa likod.  Sa l300 vans man hay sa may sa unang row it pungkuan ag ro pdao designate hay magpaguwa it listahan it mga establisimiento nga uwa it pwd friendly facilities parehas it ramps ag hand rails, imaw man ro pag-ubra it data base it tanan nga mga career skills it mga pwds agud hikapareha sa mga establisimiento tungod igabutang man sa ordinansa nga naga-hinyo sa mga establisimiento nga mag-hire it pwds ag imaw man ro pagpadumdom kanda it mga insentibo.

Paga-depensahan it lgu kalibo ro pagdaug kara bilang most business friendly lgu ku nagtaliwan nga dag-on sa uman kara nga pag-entra sa programa ku phil. Chamber of commerce and industry (pcci). Sa meeting nga ginpatawag ni ms. Valerie briones, lgoo it lgu kalibo, ana kara nga ginpahayag nga rong pcci hay uman nga magapatigayon it search for business friendly local government unit award makaron nga 2016 ngani kinahang-ean nga preparahan ra it lgu kalibo.

Pila sa mga ginapahauman makaron it lgu kalibo hay ro pag-kumpleto ku entry forms o kun ro pagsabat ku sueod it bid questions ag bidbook. Ro judging schedule hay tentatibong nakataeana sa setyembre 26 ag 27, 2016. Ro criteria hay naka-grupo sa 2 imaw ngani ro qualifying ag ro essential indicators. Rong hall of fame award hay igata-o man sa lgu nga nakadaug it tatlong beses pero para sa lgu kalibo hay ka-isaeang beses pa eamang nagdaug. Ro assessment period ag basehan it award hay ro performance umpisa ku january 2015 hasta it june 2016. Rong deadline it submission it tanan nga mga dokumento hay sa setyembre 9, 2016 sa taeatapan it pcci sa fort bonifacio, taguig city. Ro awarding ceremony hay pagahimuon sa culmination it 42nd phil. Business sa october 2016.

Ro pcci makaron matapos nga ginlunsar ro search ku 2015 hay nag-umpisa eon nga magbaton it mga nominations agud kilaeahon ro mga munisipalidad nga may mayad-ayad nga performance ag initiatives  nga hipataas pa ro business competitiveness paagi sa mga sadyaan nga government reforms.

Gin-aprubahan it sangguniang bayan it kalibo ro hinyo ni sb member phillip yerro kimpo jr., nga makahimo it market study ro dept. Of energy pero uwa it bayad halin sa munisipyo angot sa pag-gamit it d.o.e. electric tricycle bilang tourist eco-shuttle ag imaw man ro integration kara sa transport system it kalibo, kaibahan eon ro financial, economic ag operational nga aspeto it e-trike project.

Sa pag-eksplekar ni sb member kimpo, rong e-trike project hay gina-implementar sa bug-os nga nasyon sa handum ku ahensya nga maduea eon ro naka-andan nga mga tricycle ag bayluhan it e-tricycle.  Amat-amat nanda nga paga-bayluhan ro mga tricycle nga nagabyahe sa mga ruta makaron.   Nagapati ro doe nga bukon it bagay sa kalibo tungod ku maabong mga tricycle eon ag tungod nga iga-turn over it doe ro pagdumaea it e-trike sa kalibo agud raya ro maga-operate o maga-kolekta it boundary. Bangud man nga  basi indi makayanan it kalibo nga mabu-oe ro required boundary, gusto lang nanda nga mangin tourism shuttle ro e-trike.  Sa rondayang kaangtanan, nag-offer ro doe it libre nga market study. Kun mabaton eon it doe ro otorisasyon, magapadaea sanda it team nga magahimo it market study agud masayran kun nagakabagay gid man ro e-trike project sa kalibo.

ginpahayag pa gid ni sb member kimpo nga nakatuon ro market study sa tourism shuttle implementation ag bukon it para baylohan ro mga tricycles sa kalibo. Sa pag-estudyo man masayran it lgu kalibo ro magiging pangutana kara ag sa ulihi paga-desidihan kun aprubahan raya o kun indi.

Bukon eon it honorable ro igatawag sa mga elihadong opisyal it banwang kalibo partikular ro mga sangguniang bayan members. Sa draft resolution no. 032 – a resolution requesting the bureaucracy of lgu kalibo to refrain from addressing all elected officials of this municipality as “honorables” in all official communications and documents nga gin-proponer nanday sb member cynthia dela cruz, sb member daisy briones ag sb member buen joy v french, pabor kara ro tanan nga mga sb members.

Para sa ibang mga miembro it konseho tamang-tama eamang nga sb members ro itawag kanda samtang gin-proponer man ni sb member mark vega quimpo nga taw-an it kopya ku resolusyon ro 16 ka kabaranggayan it kalibo para sa andang impormasyon ag kun pwede hay ma-adaptar man.

Suno man kay sb secretary diana fegarido, nakasaad sa local government code nga ro designasyon hay sb member pero bago pa ro local govt. Code hay ginatawag sanda nga councilor.

5 gid ka mga eskwelahan sa munisipalidad it kalibo ro nagdaug sa 2016 division search for brigada eskwela best implementers. Sa resolution no. 021 nga gin-proponer ni hon. Philip yerro kimpo jr., sa sangguniang bayan it kalibo ana nga ginpahayag ro pagpanginbulahan sa 5 ka public schools kaparehas ku: kalibo pilot elementary school, regional science high school for region vi, kalibo integrated sped center, tinigaw elementary school ag bakhaw norte integrated school.

Dugang kara, ginpanginbulahan pa gid it konseho it kalibo si mr. Wilfredo neri matapos nga nagta-o imaw it dungog sa kalibo sa bag-ong tapos nga 2016 asian schools chess championship nga ginhimo sa tehran, iran. Sa resolution no. 022 nga ginproponer gihapon nanday hon. Philip yerro kimpo jr.,  ag hon. Mark vega quimpo, madinaeag-un gid ro delegasyon it aklan sa pagpamuno ni mr. Neri. Suno kay hon. Kimpo, sa hampang nga chess, mabahoe ro tsansa nga magdaug sa mga kompetisyon  ikumpara sa basketball.

 si mr. Wilfredo neri suno kay hon. Kimpo hay mayad nga coach ag chess player ag sangka kalibonhon. Rong tournament sa tehran, iran hay mabahoe nga event kun sa siin 19 ka mga nasyon ro nagpartisipar pero 15 eamang ro ginpadaea it pilipinas ag nabu-oe it nasyon ro 2nd place sa iran,  ikumpara sa may kapin sa 100 delegates.