Draft Ordinance angot sa Smoke Free Kalibo, Ginatunan Eon

Gintalakay eon sa Committee Hearing it Kalibo Sangguinang Bayan ro parte sa masangag nga mga tambutso it mga motorsiklo ku Agosto 17, 2016. Rong komitiba ni sb member daisy briones, committee on laws, ro nagpanguna sa pagtalakay it Draft Ordinance Regulating The Use of Modified Engine Muffler kun sa siin kaibahan man sanday SB Member Mark Quimpo, SB Member Buen Joy French, SPO2 Raymund Abogadie, SB Rodilio Policarpio, Mr. Raul Rowan it LTO, SB Mark Ace Bautista, SB Member Cynthia Dela Cruz ag SB Member Philip Quimpo Jr. Rong muffler hay parte it tanan nga mga saeakyan nga ginapahina ro tunog it makina agud indi magtuga it sangag pero ro gina-ubra ku iba hay gina-modify paagi sa pagpa-eos it muffler nga naga-resulta it mabaskug nga tunog it mga makina. Sa pagtalakay kara, ginapatihan nga hungod nga ginabu-oe ro muffler o silencer bangud nagiging madasig ro daeagan it mga motorsiklo, nagadugang pa gid ro pwersa kara. Iya makaron sa Kalibo, may mga human eagi nga mufflers nga ginabaligya ag may una man nga gina-fabricate eagi. Suno man sa LTO, sangka violation ro pag-gamit it Open Muffler ag impoundable ro motorsiklo nga madakpan ag ro penalidad hay P6,078, uwa man gina-rehistro ro Open Muffler Vehicle. Gin-proponer sa Committee Hearing nga ro mga nagabaligya it masangag nga tambutso hay iga regulate sa pagbueoligan sa DTI. Ro mga Brgy. Officials man hay ginahinyo nga magbulig. Kun ro Draft Ordinance hay ma-aprubahan, raya ro paga-gamiton ku mga kapulisan ag Kalibo Auxiliary Police sa pagpang-dakup it mga nagabayolar. Ro madakpan nga violator hay may multa nga P2,500, may 2 Months nga imprisonment, iga-impound ro motorsiklo ag Confiscation it Muffler. Samtang, ro mga nagabaligya hay pagakanselahon ro Business Permit sa ikatlong pag-eapas sa ordinansa. Bago pa man aprubahan ro Draft Ordinance, magapatigayon anay it Public Hearing. 001

Trackback from your site.

Visitor Counter

020127
Users Today : 131
Users Yesterday : 109
This Month : 3072
This Year : 10127
Total Users : 10127
Views Today : 414
Total views : 60941
Who's Online : 3
Your IP Address: 54.156.69.204
Server Time: 2017-09-26

Visit Us