Archive for July, 2016

May kaangtanan sa hueag makaron it gobyerno nga maduea ro droga sa komunidad, nagpasar it resolusyon ro sangguniang bayan it kalibo nga naga-alokar it pondo para sa paghimo it mandatory nga paghimo it dag-unan nga random drug testing sa tanan nga mga municipal officials ag mga empleyado ku munisipyo makaron nga dag-on. Sa joint resolution no. 012 nanday hon. Cynthia dela cruz, hon. Daisy briones ag hon. Buen joy french, indi eamang pabay-an sa gobyerno nasyonal ro pakikipag-away sa droga kundi kinahang-ean man nga ro mga opisyales ag empleyado it lgu kalibo hay magpa-idaeom sa drug test agud hipaeayo ro impluwensya it droga sa munisipyo.

Nagakinahang-ean man ra it alokasyon ngani pagataw-an man it kopya it resolusyon si dr. Makarius tel aviv dela cruz agud masayran ro pondo nga pagakinahang-eanon. Paga-konsiderahan ku munisipyo ro numero it mga empleyado nga dapat ipa-idaeom sa drug testing umpisa makaron nga dag-on.

Ginapangayo gid it konseho it kalibo ro igtaeopangud ku opisina ni mayor william lachica agud pangunahan ro pag-alokar it pondo para sa mandatory nga pagpatigayon it drug testing sa mga empleyado ag opisyales.

Aprubado it sangguniang bayan it kalibo rong draft resolution no. 011 sa handum ku pagtukod it “balik-banwa sa kalibo” calendar of monthly listing of outreach & community development program sa kalibo para sa mga turista eabi gid sa mga akeanon nga naga-tinir sa guwa it probinsya. Rong resolusyon hay ginproponer ni hon. Phillip kimpo jr. Kun sa siin ana nga ginpahayag nga maabong mga klase it tourism kaparehas ku medical, health, wedding, photography ag iba pa samtang ro nagabahoe nga sahi it turismo sa kalibutan hay ro voluntarism nga sangka kombinasyon it 2 words nga volunteering ag tourism.

Ro mga tawo makaron hay nagbahoe pa gid ro andang social awareness ag kun sanda hay naga-travel hay naga-usoy sanda it mga komunidad nga pagabuligan sa andang mga destinasyon. Maabo eon nga naga-ubra kara sa nasyon ngani gusto nana nga makipag-angot sa nagabahoe nga uso makaron sa pagpati nga maabong mga akeanon sa guwa it probinsya hay gustong magta-o it pagbag-o sa probinsya. Plano nana nga tipunon ro tanan nga mga social outreach activities iya sa kalibo ag ipresentar sa sangka kalendaryo ag idistribwer o i-post sa social media agud sa oras nga umadto iya ro mga turista hay bukon eamang nga makita nanda ro mga lugar sa kalibo kundi makabulig pa sanda sa manpower sa mga outreach projects it kalibo.

Interesado ro mga toda president ku banwa it kalibo sa proyekto ku department of energy nga electric vehicle program kun sa siin rong e-trike ro andang gina-promote. Sa information and education campaign activity nanda sa mga tricycle drivers ag operators, gusto gid ku mga asosasyon nga samitan man ro proyekto it gobyerno tungod nga pila sa rason ku mga toda hay nakaka-ganyak it turista ro e-trike ag environment friendly ag nakaka-tipid sa gasolina ag iba pang mga kinahang-eanon sa maintenance.

Suno sa doe, gusto nandang i-transform o mabag-o ro panan-awan it transportation sector kun sa siin ro pagkunsumo it oil hay mataas ag ro oil imporation it nasyon hay mataas man ngani ro sambilog sa nakikitang solusyon nanda hay ro electric vehicle program partikular ro e-trike project. Sa 32% nga oil consumption it nasyon, sa transport industry hay 88%.  Ginbasehan man nanda ro record it lto nga pinaka-abo ro naka-rehistrong tricycle. Sa e-trike project it doe makaron, ro income hay p600 – p1,000 kada adlaw matapos nga ibuhin ro p200 para sa boundary ag charging cost samtang ro income gamit ro gasoline fed tricycles hay p200 – p500 matapos nga ibuhin ro p150 para sa boundary ag p300 para s gasolina. Sa e-trike ngara it doe, ro sangka unit hay may 3 year lto registration, 3 years insurance ag 5 year warranty, no down payment, no collateral, rong lease period hay 5 years ag ro daily lease hay p400. Kun may una eon nga e-trike sa kalibo, rong doe hay magatukod it 10kwp solar power charging stations, iga turn over man ro operation it charging station sa lgu matapos it testing ag acceptance. Rong power station hay maka-generate it 50kwh per day pero ro lgu man o kun private investor hay pwede man magbutang it dugang nga charging station.

Tungod man nga interesado ro mga toda, makikipag-pulong ro doe kay mayor william lachica agud ipa-abot ro interes it mga toda. Magahimo man it letter of undertaking para i-implementar ro e-trike lease to own program. Paga-istoryahan man ro pag-isyu it mga ordinansa, sangguniang bayan resolution, pagta-o it incentives ag paghimo it iecs parte sa e-trike sa toda members ag rong letter of commitment halin sa lgu para mag-isyu it prangkisa para sa e-trike.

Ginatinguhaan makaron ku munisipyo it kalibo nga makabutang it mga taean-awon nga naga-promote sa kalibo partikular sa turismo sa kalibo international airport. Base sa draft resolution no. 010 ni hon. Philip yerro kimpo jr., magapangayo imaw it pahanugot sa civil aviation authority of the phils. (caap) agud magamit ro porsyon it sangka pader sa kalibo international airport arrival area para mabutangan it permanent panel nga naga-promote ku turismo it kalibo.

Sa anang pagpahayag, gusto it munisipyo nga magiging libre ro pagbutang it permanent panel tungod suno sa tourism and cultural affairs division, ginapa-rentahan raya it caap. Makita ro bakanteng pader sa may left side kun naga-atubang sa paguwa nga direksyon ag maeapit sa may cr hay may una nga feel alive, feel aklan tourism panel nga gina-sponsoran it ako, aktoa ag provl. Tourism office nga mga sang dag-on eon nga uwa pa habu-oe ag rong bakante nga wall hay uwa pa gihapon naga-gamit.

Kun magpasugot ro caap, igabutang it munisipyo it kalibo ro mga litrato ag mga slogan nga naga-focus sa banwa it kalibo.

Nag-rekord it pinaka-abo nga mga drug surrenderees ro kalibo police station ku hulyo 18, 2016. Sa ginhimo nga mass signing of affidavit of surrenderee angot sa anti-illegal drugs campaign plan “double barrel” project tokhang ag project hvt/lvt sa munisipyo it kalibo, haeos mga 252 ro mga nag-surrender sa kapulisan ag kay mayor william lachica. Nalipay gid si mayor william lachica sa nangin desisyon it mga kalibonhon ag iba pang mga indibidwal halin sa kaeapit nga lugar it kalibo sa andang pag-surrender. Suno sa alkalde, raya eon ro tsansa nga makapagbag-o it kabuhi ag mag-ulikid sa pamilya. Ginpahayag pa gid it alkalde, nga tindugan gid ro commitment nga andang ginpirmahan, sundan it buot ag indi pagpabay-an ro kaugalingon.

Makahueogan man ro mensahe nga ginpa-abot ni pcinsp al loren bigay it kalibo police station. Ginakonsidera gid ku mga police ro mga nag-surrender bilang biktima man it droga. Pero ro project tokhang hay bukon it garantiya nga indi eon sanda pagdakpon ag ro mga gin-pirmahan hay nagiging simbolo it pagbag-o tungod nga kun indi pagsundon ro mga nakasaad sa ginpirmahan kaparehas ku pagbulig sa gobyerno, pag-ubra it husto ag pagpa-rehabilitate kun kinahang-ean hay malisdan gid ro mga surrenderees. Ginapa-tandaan man ni pcsinp bigay ro acronym nga stop:s – supply will never last forever, t–trust in god nga maga-giya paadto sa manami nga pagpangabuhi, o – opportunity nga mag-surrender ag p – people, may mga tawo pa nga haum magbulig.

Tungod nga hulyo 15 ro deadline it project toktok hangyo o kon tokhang, ratong mga uwa nag-surrender hay igapa-idaeom sa proyekto nga high valued target ag low value target it mga kapulisan.

Sunod sa mandato it civil service commission sa tanan nga mga local government units nga suportahan ro kampanya kara sa pagta-o it ihi-baeo parte sa asean community 2015 ag sa chairmanship it pilipinas sa asean 2017.  Ro lokal nga gobyerno it kalibo sa pagpamuno ni mayor william lachica, hay magabulig sa pagtao it impormasyon hanungod kara.  Magiging kaeakip eon sa monday flag ceremony ro asean anthem kaibahan pa gid ro iba pang mga information dessiminations. Base pa sa memorandum circular it csc mc no. 16 series of 2013, gina-kumbinyo ro mga govt. Agencies nga i-promote ro asean awareness paagi sa regular nga pag-display it asean flag umpisa ku agosto 2013 ag ku 2014 ag 2015 man gihapon nga memorandum circular, tanan nga mga ahensya hay dapat magpartisipar sa dueongan nga flag raisiing ceremony.

Rong asean hay gintukod ku 1967 ag 5 eamang ka mga nasyon ro miembro kaparehas ku indonesia, malaysia, pilipinas, singapore ag thailand ag brunei man ku 1984, vietnam ku 1995, laos ag myanmar ku 1997 ag cambodia ku 1999. Ro chairmanship it asean hay nagalibot-libot kada dag-on ngani sa masunod nga dag-on hay turno eon it pilipinas ro pagahimuon nga 50th founding anniversary.

Ro pinaka-misyon it regional integration pina-agi sa asean community hay hipa-umwad ro pagpangabuhi it mga pumoeoyo it 10 ka mga nasyon. Pila sa magiging benepisyo it asean integration hay magiging maeomo ro pagbiyahe halin sa ibang nasyon nga miembro it asean. Sa aspeto mat-a it employment may una nga mutual recognition arrangements nga nagiging maeomo ro paghueag it mga skilled professionals kaparehas it engineers, nurses, architects, land surveyors, medical doctors ag dentists, accountants ag tourism professionals.

Nag-umpisa eon sa pagpanerbisyo bilang mga miembro it konseho ro bag-o nga set it mga sangguniang bayan members ku hulyo 7, 2016 sa ginhimo nga inaugural session. Sa pagpamuno ni vice mayor madeline regalado bilang presiding officer, nagta-o it mga mensahe ro tanan nga mga konsehal kamana nanday hon. Cynthia dela cruz, hon. Juris bautista sucro, hon. Mark ace bautista, hon. Mark v quimpo, hon. Daisy sucro briones, hon. Rodilio policarpio, hon. Philip yerro quimpo jr., hon. Buen joy villanueva french ag hon. Rey v tolentino. Kaeabanan kara kanda hay nagpahayag it interes nga magbuyot it pilang ka mga komitiba sa pagpati nanda nga magiging epektibo gid sanda, samtang ro iba man hay nagpahayag it suporta sa administrasyon ag pati man ro pagpa-abot it kahauman nga makipagbueoligan sa bilog nga konseho.

Ginasaligan man it presiding officer it konseho nga ro tanan nga mga mensahe it mga bag-o ag datihan eon nga mga sb members hay mahimo sa ubra ag nagahalin gid sa tagipuson.

Ginpa-abot man ni mayor william lachica ro anang mga programa, aktibidad ag proyekto nga gusto nanang hikapatupad sa sueod it tatlong dag-on nga pagserbisyo bilang alkalde. Gin-report man nana ro mga accomplishments ku dag-on 2015 kun sa siin anang ginpasaeamatan ro dating miembro it sangguniang bayan it kalibo kamana nanday hon. Augusto tolentino, hon. Arnaldo tejada ag hon. Ariel fernandez nga nakabulig nga ma-agum ro sari-saring proyekto para sa banwa. Nag-apela man imaw sa bag-ong set it sb members nga maghugpong para sa mas progresibong kalibo.

Sa masunod nga tatlong dag-on, handum it alkalde nga matupad ro mga masunod: comprehensive land use plan, comprehensive development plan, executive – legislative agenda, annual investment plan, local shelter plan, solid waste management plan ag tourism plan. Ginahandum man nga makapatindog it central transport terminal, completion it health center with birthing facilities, safe closure plan para sa dumping site, rong pagpa-ubra it slaughter house, rong pook jetty port, foot bridge patabok it bakhaw norte, river control project, rong traffic light system ag iba pa gid.

Sa idaeom ku inisyatibo ni mr. Rey villaruel, municipal treasurer it banwang kalibo, ginpatigayon ku hulyo 1 it rayang dag-on ro mid year performance evaluation on revenue generation and resource mobilization sa munisipyo it kalibo. Gin-atenderan ra it mga department ag division heads halin sa mga opisina ku municipal economic enterprise and development office ag ku general fund proper. Sa ngaean ni mayor william lachica, ginpanginbulahan ni hon. Rodilio policarpio, committee chairman on economic enterprise,  ro mga miembro it finance committee matapos nga ginhimo ro evaluation. Nagapati imaw nga ro resources it munisipalidad hay sambilog nga factor kun sa siin ro mga programa it ehekutibo hay natatawo ag rondayang mga resources hay naka-depende sa mga empleyado nga mag-generate it pondo o kun resources base sa mga naga-eksister nga ordinansa ag mga laye.

Gin-eksplekar man ni mr. Rey villaruel ro tuyo it aktibidad nga sa ikaywang kahigayunan eon ginhimo sa anang pagdumaea. Ginkangay gid ro mga empleyado nga naka-assign sa revenue collection agud ma-intindihan kun pila ro naha-kolekta umpisa ku enero hasta it hunyo. Ginakinahang-ean gid nga ma-ebalwar ro performance para masayran kun naha-abot gid man ro target sa nagtaliwan nga 6 nga buean ag kun paano man ma-abot ro target para sa nabilin nga 6 nga buean.

Gin-presentar sa aktibidad ro 2016 revenue generation performance ku general fund – proper ag general fund – meedo pina-agi kanday mr. Rey villaruel ag ms. Jennifer policarpio, asst. Meedo head.  Imaw man ro 2016 actual expenditures vs target halin kay ms. Nannie roldan, municipal budget officer ag rong target setting workshop it pareho nga general fund proper ag meedo halin man kay dr. Freddie malacas, municipal accountant.

Pinoy program it dti ag lgu kalibo. Ro yaman pinoy ginlunsar hay eon ku it dti sa idaeom ku grassroots participatory hulyo 12 it rayang dag-on, rong yaman programa budgeting project 2016 kun sa siin gina-hanas ro mga kababayehan nga magka-antiguhan mag-eaha it mga pagkaon nga sarang hikabaligya ag makabulig gid sa aspeto it livelihood sa pamilya. Suno kay ms. Pinky regalado it dti aklan, kaibahan kara ro paghimo it siopao, siomai (asado ag bola-bola), morcon ag ham. Ana nga ginpahayag nga kun magiging maabtik ag interesado gid ro mga participants ag kun ro pagpa-ino-ino hay gusto mangin entrepreneur hay pwede gid sanda nga mangin mga negosyante.

Ginpa-abot man ni mayor william lachica nga ro programa hay mabahoe gid nga bulig sa mga kababayehan tungod kun magka-antiguhan sanda hay makabulig sanda sa andang mga asawa nga nagapangita man para sa andang pangabuhi. Ana kara nga ginhinyo sa mga participants nga ita-o gid ro andang atensyon ag kooperasyon sa durasyon it 5 adlaw nga training.

Sa unang adlaw it training, ginpatigayon ro values formation seminar pina-agi kanday ms. Maricel bechayda, pastor marlito bechayda ag ms. Praise maranatha bechayda, samtang sa hapon man ginhimo ro basic management system. Ro pag-identify man ku nasambitan nga proyekto hay naghalin sa local poverty reduction action team (lprat) kun sa siin ro mga miembro hay nagahaealin gid sa sektor it mga kababayehan ag iba pa.

Gin-release eon it dept. Of labor and employment aklan field office rong pondo para sa mga proyektong vegetable farming & rootcrops farming, wood carving, piña weaving and marginalized fishing para sa 2 ka brgy. Sa kalibo.  Mismong si arlyn siatong, oic field office head, dole field office, provincial director it dole aklan ro nagpanupod it nasambitan nga pondo nga nagabalor it p556,480.00 para sa brgy. Old buswang samtang ro ana ku brgy. Mobo hay p701,250.00

Anang ginpahayag nga 5 ka mga brgy. Sa kalibo ro anang nahapakipag-angotan pero 2 eamang ro naka-kumpleto. Programa raya it dole ag ginatawag nga dole integrated livelihood emergency employment program, sambilog raya sa mga programa it ahensya nga nakatutok sa livelihood. Sabat man ra ku handum it gobyerno nga uwa it makita nga pobre ngani gusto gid nga dueongan ro pag-umwad it tanan o kun ginatawag nga inclusive growth.

Ginpa-abot ni mr. Efren trinidad sa brgy. Councils it mobo ag old buswang kaibahan man ro mga benepisaryo nga paabuon ro kapital tungod bisan libre eamang hay kinahang-ean man nga butangan it equity o counterpart halin sa mga benepisaryo.

Ro mga benepisaryo halin sa kalibo ro pinaka-primerong nahataw-an it livelihood assistance. Presente man ro mga punong brgy. Ag brgy. Council partikular ro project monitoring team tungod sanda ra hay may responsibilidad nga mag-liquidate it ginta-o nga kapital.

Visitor Counter

023032
Users Today : 125
Users Yesterday : 128
This Month : 2441
This Year : 13032
Total Users : 13032
Views Today : 457
Total views : 71143
Who's Online : 1
Your IP Address: 54.80.132.10
Server Time: 2017-10-21

Visit Us