• Home
  • 2 ka mga Pamatan-ong Kalibonhon, ginadayaw ku Munisipyo it Kalibo.

2 ka mga Pamatan-ong Kalibonhon, ginadayaw ku Munisipyo it Kalibo.

By: Doniel B Aguirre

Refer to: Ms. Fritzie Anne P Rillo, Information Officer

2 eon man ka mga Pamatan-ong Kalibonhon ro nagta-o it kadungganan sa Banwa it Kalibo sa ginhimo nga 9th UPSI International Pencak Silat Championship Tournament ku Marso 2018 sa Perak, Malaysia. Tungod kara, gin-proponer nanday SB Members Phillip Yerro Kimpo Jr ag Buen Joy French rong Resolusyon it pagpanginbulahan para kanday: Cherry May Regalado ag Zandro Fred Jizmundo Jr.

Suno kay SB Member Kimpo, sanda ra hay nagda-ug sa University Pendidekan Sultan Idris sa Banwa it Tanjung Malim State of Perak kun sa siin ro tournament hay ginhimo ku Marso 20 hasta it 25, 2018. Ginpa-abot man ni SB Member French nga si Ms. Cherry May Regalado hay taga Pook, Kalibo nagatuon sa ASU Kalibo Campus, National Athlete sa Pencak Silat sa Phil. Sports Commission, Finalist it 17th World Pencak Silat Championship, Pre-Sea Games ku 2017, 4th Place sa 29th Sea Games ag ro pinakabag-o nana nga kadaeag-an hay sa 9th UPSI Pencak Silat Championship.

Sanday Regalado ag Zandro Fred Jizmundo Jr., nga taga Estancia, Kalibo hay naha-feature man sa National Television kun sa siin anda gid nga gintib-ong ro pangaean it Banwang Kalibo.