• Home
  • 100 Ka Mga Tricycle Drivers Nga Nangin Tour Guides it Banwang Kalibo, Pormal Eon Nga Nagsumpa Sa Pwesto

100 Ka Mga Tricycle Drivers Nga Nangin Tour Guides it Banwang Kalibo, Pormal Eon Nga Nagsumpa Sa Pwesto

By: Doniel B Aguirre
Refer to: Mr. Efren Trinidad, Executive Assistant II Office Of The Mayor

Pina-agi kanday Mayor William Lachica, Vice Mayor Madeline Regalado, SB Members Cynthia Delacruz ag Buen Joy French ag Engineer Jesse Fegarido, MEEDO Head, ginpasumpa eon ro mga opisyales it Kalibo Tricycle Drivers and Guides Association KATRIDGA kaeakip man ro pagbaton nanda it Mga Tour Guiding Starter Kits kaparehas it blazer ag guidebook ku Biernes, Pebrero 24, 2017 sa Kalibo Pastrana Park.

Rong KATRIDGA hay ginakomponihan it may kapin sa 100 ka mga tricycle drivers halin sa mga kabaryohan it Kalibo nga pinili gid it andang mga presidente para ipa-idaeom sa Tour Guiding Training sa pagdumaea ku Tourism and Cultural Affairs Division TCAD Kalibo ag Sustainable Livelihood Program SLP it DSWD nga nagta-o it pondo para sa training. Suno kay Mayor William Lachica, ro mga drivers ngara ro magiging giya it mga turista sa mga tourism spots it kalibo. Nagapasaeamat gid ro Alkalde sa mga drivers tungod pina-agi sa mga drivers hay makabulig sa pagtib-ong ku turismo it Kalibo.

Suno man kay Ms.Christine Gonzales, slp Provincial Coordinator it Akean, rong Skills Training on tour guiding hay isaea eamang sa mga programa it DSWD -SLP sa pagbueoligan sa LGU Kalibo. Maabong mga Tourist Spots it Kalibo pero romas importante hay ro mga tawo, maabong mga lugar ro manami sa nasyon pero madali ra malipatan, pero kun mauno ro sangka turista gintatap ag ginpabatyag hay ruyon ro nagatatak sa baeatyagon.